Çfarë është një Nulled Plugin?

Një Nulled Plugin është një kopje e një Plugini me pagesë që është modifikuar për të ofruar funksionalitetin premium pa paguar një licencë. Në shumicën e rasteve, pluginet dhe temat Nulled përmbajnë backdoor dhe malware të tjerë.

Çfarë janë disa nga rreziqet e përdorimit të Plugin dhe Temave Nulled?

Plugin dhe Temat Nulled përmbajnë backdoor dhe malware të tjerë që përdoren për të shpërndarë spam, SEO, kryer sulme në faqe të tjera, vjedhja informacionit të ndjeshëm dhe ridrejtojnë vizitorët në faqe te tjera, të gjitha këto mund të vendosin në rrezik vizitorët e faqes suaj dhe të dëmtojnë reputacionin tuaj.

Shumë Plugin dhe Tema Nulled gjithashtu injektojnë përdorues të fshehur administrator në bazën e të dhënave të faqes suaj, duke i lejuar hackerave kontrollin mbi faqen tuaj WordPress.

Kini parasysh se, duke instaluar një Plugin Nulled, në thelb jeni duke i dhënë Pluginit kontroll të plotë mbi faqen tuaj.

Çfarë duhet të bëj nëse kam një Plugin ose Temë Nulled të instaluar?

Nëse zbuloni se keni një Plugin ose Temë të Nulled të instaluar, ne rekomandojmë që ta fshini menjëherë.

Gjithashtu, ne rekomandojmë të kontrolloni bazën tuaj të të dhënave për përdorues administratorë të paautorizuar, pasi këta shpesh shtohen nga Plugin dhe Temat Nulled dhe mund të jenë të fshehura nga administratorët e tjerë.

Përfundimi

Në artikullin e sotëm, kemi mbuluar disa pyetje të shpeshta rreth plugineve dhe temave Nulled të WordPress-it, duke përfshirë disa nga rreziqet dhe çfarë të bëni nëse keni një plugin ose temë Nulled të instaluar në faqen tuaj.

Përdorimi i Plugineve ose Temave Nulled gjithmonë ka një kosto, qoftë besimi i përdoruesve tuaj kur faqja juaj është e hakeruar, ose kosto monetare per ta ribere faqen nga e para nese infektimi ka demtuar faqen ekzistuese

The post Pse nuk duhet të instaloni Plugin dhe Tema Nulled në WordPress appeared first on CloudyHost®.

Ju mund t’i përdorni ato për të ngarkuar më shpejtë faqen, për të organizuar më mirë përmbajtjen, për të kërkuar adresat e emailit të vizitorëve që t’i përdorni më vonë për marketing si dhe për të përmirësuar kërkimin në faqe.

Shumë nga këto shtojca janë falas. Shumë e rëndësishme është të siguroheni që shtojcat që zgjidhni të jenë të sigurta.

Fatkeqësisht, njerëzit mund të përdorin shtojcat për të përfshirë skripte me viruse apo me probleme me sigurinë. Çfarë mund të bëhet me këto skripte jo të sigurta? Ekziston mundësia t’iu marrin faqen, të instalojnë spyware apo mining për kriptomonedhat si dhe të marrin informacionet e klientëve.

Kjo nuk do të thotë që WordPress është i pasigurt. Midis janarit dhe korrikut të 2021, studiuesit gjetën vetëm tre dobësi në programin bazë, të cilat arritën t’i përditësonin. Por nga dhjetëra mijëra shtojca që ekzistojnë, shanset për një çështje sigurie janë më të larta me shtojcat sesa me vetë platformën e WordPress.

A është shtojca juaj WordPress një problem?

Zgjedhja e shtojcave është një detyrë më vete. Ju dëshironi performancë natyrisht, por gjithashtu dëshironi diçka që është e sigurtë, e besueshme dhe e lehtë për tu mirëmbajtur. Duhet të zgjidhni shtojca me vlerësim të lartë nga një burim i besueshëm, në mënyrë që të mos përfundoni me një shtojcë me viruse apo që kanë probleme me sigurinë.

Ekspertët e sigurisë i konsiderojnë shtojcat e WordPress.org si burimin më të sigurt për shtojcat. Me më shumë se 59,000 shtojca, ju do të keni shume opsione për të zgjedhur.

Para se të merrni një shtojcë kontrolloni si vlerësimet me yje, ashtu edhe komentet dhe reagimet e përdoruesve. Shikoni se çfarë u pëlqen përdoruesve në lidhje me shtojcën. Lexoni për çdo problem që ata kanë si dhe çdo përditësim që i bëhet shtojcës.

Gjithashtu shikoni numrin e instalimeve aktive për të kuptuar se sa përdorues i besojnë shtojcës. Një shtojcë e mirë mund të ketë vetëm disa qindra përdorues, por një shtojcë me mijëra përdorues ka fituar shumë besim.

Nuk ofron hosti im siguri për mua?

Hosti juaj ofron shumë siguri, përfshirë mbrojtjen fizike dhe dixhitale për serverin ku mbani faqen tuaj. Paketat e hostit tuaj mund të përfshijnë dhe opsione të tjera të sigurisë gjithashtu. Për shembull, paketat e hostit WordPress në CloudyHost përfshijnë backup të përditshëm të faqeve me JetBackup, Imunify360 për të zbuluar dhe hequr malware nga faqja juaj dhe parandalimin e spam-it në llogaritë e emailit me SpamAssassin.

Këto opsione të sigurisë që ofron hosti ju kursen në kohë, duke ju bërë të përqëndroheni tek nevojat specifike të sigurisë për faqen tuaj të internetit: duke mbajtur versionin e WordPress të përditësuar, temat dhe shtojcat tuaja të përditësuara si dhe duke u siguruar që përditësimet të mos shkaktojnë probleme në faqen tuaj të internetit (një arsye tjetër pse backup janë kaq të rëndësishme).

Kontrolloni kompabilitetin me versionin më të fundit të WordPress

Pra, keni gjetur një shtojcë me vlerësime të mira dhe aktive në shumë përdorues. Para se ta shkarkoni, sigurohuni që është në përputhje me versionin tuaj të WordPress. (Për sigurinë dhe performancën, duhet të mbani gjithmonë faqen tuaj të internetit të përditësuar në WordPress.)

Për t’u siguruar që shtojcat tuaja dhe WordPress janë kompatibël, duhet të dini versionin tuaj aktual të WordPress. Mund ta gjeni duke shkuar tek paneli i WordPress dhe duke klikuar Updates. Do të shihni një njoftim që ju bën të ditur nëse po përdorni versionin e fundit dhe ju jep numrin e versionit.

Nqs ju nuk keni bërë përditësimet, do të shikoni një faqe të tillë:

Ju gjithashtu duhet të verifikoni që shtojcat janë të përditësuara. Shumica e autorëve të shtojcave bëjnë përditësimet e produkteve të tyre, por ndonjëherë nuk bëhen, ose bëhen me vonesë. Nëse shihni një njoftim me kuti të verdhë në krye të faqes së shtojcës në WordPress.org, kushtojini vëmendje asaj.

Shikoni gjithashtu kutinë e specifikimeve në faqe për të parë se me cilin version të WordPress funksionon dhe sa kohë ka që është është përditësuar.

Psh kjo shtojcë mund të mos funksionojë siç duhet me versionin aktual të WordPress. Gjithashtu mund të ketë probleme të sigurisë që hakerat mund t’i shfrytëzojnë. Janë pikërisht këto faqe që nuk janë përditësuar apo kanë shtojca të vjetra që kërkohen më shumë nga hakers.

Nëse shtojca juaj e zgjedhur është kompatibël, vazhdoni dhe provojeni. Nëse vendosni se nuk është e duhura për faqen tuaj, fshijeni atë. Nqs nuk i fshini duhet sërisht t’i përditësoni, pasi hakerat mund t’i shfrytëzojnë.

Mbani të përditësuar WordPress dhe shtojcat tuaja

Ashtu si gjithçka e bërë me kod, WordPress dhe shtojcat marrin përditësime për veçori të reja, përmirësime dhe riparime. Ndonjëherë problemet janë të vogla që ndikojnë në mënyrën se si duket ose funksionon një shtojcë. Ndonjëherë ato janë probleme sigurie që duhet të rregullohen për të mbajtur hakerat larg faqes tuaj.

Kur botuesit njoftojnë për përditësime të sigurisë, hakerat i shohin ato gjithashtu. Dhe ata fillojnë të kontrollojnë për faqet që nuk i kanë bërë përditësimet ende – shpesh duke përdorur bots që mund të skanojnë dhe identifikojnë faqet që nuk janë përditësuar.

Edhe nëse jeni të kënaqur me versionin aktual të WordPress dhe të shtojcave tuaja, ju ende duhet t’i përditësoni. WordPress dhe disa shtojca ju lejojnë t’i vendosni ato të përditësohen automatikisht, gjë që duhet të bëni. Për pjesën tjetër që nuk mund t’i bëni automatikisht mund të veproni në disa mënyra:

1- Hartoni planin tuaj të përditësimit manual

Ky plan mund të funksionoj nqs ju mund të logoheni të paktë një herë në javë për të parë njoftimet për përditësime.

Ndonjëherë mund të shqetësoheni se një përditësim do të shkaktoj probleme me faqen tuaj, veçanërisht nëse shtojcat tuaja nuk janë përditësuar dhe nuk janë kompatibël me versionin e ri të WordPress. Ju mund të bëni backup fillimisht dhe pastaj të procedoni me përditësimet.

Në panelin e WordPress tek opsioni: Updates, arrini të shikoni të gjitha njoftimet për përditësime si për WordPress ashtu edhe për shtojcat apo temat.

2- Shtoni një shtojcë sigurie. Pse keni nevojë për një shtojcë sigurie?

Një shtojcë sigurie shton një mbrojtjeje tjetër për faqen duke skanuar faqen tuaj për çështje sigurie, duke përfshirë shtojcat dhe përditësimet e WordPress, dhe duke ju dërguar njoftime me email sa herë që faqja juaj ka nevojë për një përditësim.

Ju mbetet akoma të bëni përditësimet manualisht.

Nëse hosti juaj nuk përfshin një shërbim sigurie si Imunify360, mund ta shtoni në faqen tuaj. Paketat e hostit në CloudyHost përfshin një skanim ditor të malware, heqjen automatike të çdo malware që zbulon skanimi, mbrojtjen nga sulmet bot si dhe pajis faqen tuaj me çertifikatat më të fundit TSL/SSL automatikisht.

3- Vendosni përditësimet automatike për shtojcat

Nëse keni shtojca që nuk kanë një opsion automatik të përditësimit, merrni parasysh shtojcën Easy Updates Manager. Një shtojcë për të përditësuar shtojcat tuaja. Versioni falas ju lejon të vendosni disa ose të gjitha shtojcat tuaja që të përditësohen automatikisht. Kjo është një zgjidhje mjaft efikase, veçanërisht nëse menaxhoni më shumë se një faqe në internet ose menaxhoni një faqe me shumë shtojca.

Shikoni paketat e hostit WordPress në CloudyHost, dhe krijoni prezencës tuaj online pa humbur kohë. Ato përfshijnë Imunify360 falas, për të mbrojtur faqen tuaj nga malware, sulmet e botëve etj.

The post Plugins të WordPress dhe Cybersecurity: Çfarë duhet të dini rreth tyre appeared first on CloudyHost®.

Suksesi i një faqe në internet varet nga shumë faktorë. Një faktor i cili neglizhohet është mirëmbajtja e duhur e faqes.

Të gjitha faqet WordPress kërkojnë të paktën një lloj niveli për t’i mbajtur ato të sigurta dhe funksionale.

Për t’ju ndihmuar në këtë përpjekje ne kemi përgatitur një listë kontrolli të mirëmbajtjes WordPress që do t’ju udhëzojë dhe t’ju ndihmojë të siguroheni që faqja juaj e WordPress të përditësohet, të jetë e sigurt dhe të funksionojë mirë.

Pse duhet të mirëmbani faqen tuaj në WordPress

Faqja juaj WordPress është si një makinë. Nëse e trajtoni mirë, do të funksionojë për vitet që do të vijnë. Por nëse hiqni dorë nga mirëmbajtja, problemet mund të fillojnë të grumbullohen dhe, nëse i shtyni gjërat, faqja juaj e internetit mund të ndalojë së funksionuari.

WordPress po ndryshon vazhdimisht. Gjithmonë shton veçori të reja, rregullon gabime, rregullon çështje sigurie të zbuluara, etj. E njëjta gjë vlen për të gjitha shtojcat që po përdorni, dhe faqen në tërësi.

Vetë faqja juaj në internet po ndryshon gjithmonë. Ju mund të jeni duke publikuar përmbajtje të re, duke ndërruar modelin, duke shtuar veçori të reja dhe më shumë.

Nga të gjitha këto ndryshime së bashku, ekziston dhe një rrezik i madh që diçka apo edhe faqja të mos funksionojë.

Kjo tingëllon paksa shqetësuese, por nuk ka pse të jetë. Shumicën e kohës, të gjitha këto ndryshime shkojnë pa asnjë pengesë. Por për të shmangur situatat e rralla në të cilat diçka nuk shkon mirë dhe të qëndroni në krye të trendeve, është e rëndësishme ta mirëmbani.

Lista e Kontrollit të Mirëmbajtjes të WordPress

Detyrat javore të mirëmbajtjes të WordPress

1. Vizitoni faqen tuaj

Kjo duket e thjeshtë, por thjesht të vizitoni faqen dhe të klikoni në disa faqe kryesore është një mënyrë e mirë për të kapur ndonjë problem. Është e lehtë ta harrosh këtë dhe të kalosh gjithë kohën tënde në panelin e WordPress. Pra, një herë në javë, drejtohuni tek faqja juaj dhe shfletoni disa nga faqet kryesore për t’u siguruar që gjithçka po funksionon siç e prisni.

2. Komentet e moderuara

Nëse lejoni komente në faqen tuaj, do të duhet të kaloni ca kohë duke i moderuar ato për t’u siguruar që të miratoni komente të vërteta dhe të vlerësoni/fshini komentet e bezdisshme.

Për t’ju ndihmuar të kurseni kohë në moderimin e komenteve, mund të konsideroni përdorimin e një shtojce anti-spam si Akismet. Duhet të kontrolloni një herë në javë për të miratuar komentet dhe për të parë nëse Akismet ka shënuar një koment si të padëshiruar.

3. Bëni back up faqen tuaj

Të kesh një back up të fundit është thelbësore për të siguruar të dhënat e faqes tënde. Nëse hosti juaj nuk ka një back up, duhet të bëni vetë një back up.

Frekuenca optimale e back up të faqes suaj varet nga sa shpesh po bëni ndryshime dhe shtoni përmbajtje në bazën e të dhënave.

4. Bëni përditësimet (WordPress, shtojcat dhe temën)

Nëse dëshironi të siguroni faqen tuaj dhe ta mbani atë në funksion, duhet t’i bëni gjithmonë përditësimet. Çdo javë, duhet të kontrolloni për të parë nëse ka ndonjë përditësim për WordPress, shtojcat ose temat e WordPress.

Nëse ka përditësime, duhet t’i bëni ato menjëherë. Nëse jeni të shqetësuar për çështje të pajtueshmërisë, mund të provoni përditësimet në një site përpara se t’i aplikoni në faqen tuaj të internetit. Ose, mund ta vendosni faqen tuaj në modalitetin e mirëmbajtjes ndërsa aplikoni përditësime.

5. Testoni format dhe opsionet në faqe

Nëse keni forma ose opsione të ndryshme në faqe (si proçesi i blerjes), është e rëndësishme t’i provoni rregullisht. Ju mund të mos jeni kontaktuar gjatë 10 ditëve të fundit nga klientët vetëm pasi forma juaj nuk funksiononte.

Ju mund ta testoni 1 herë në javë apo muaji varet nga sa thelbësore janë format për biznesin tuaj. Për format ku çdo çështje nënkupton të ardhura të humbura ose klientë, është gjithmonë një ide e mirë të provoni çdo javë.

Për opsionet e tjera që keni në faqe, ju mund të konfiguroni një lloj sistemi të monitorimit të automatizuar. Për shembull, Pingdom ofron monitorimin e transaksionit për të testuar opsionet kryesore në një orar të caktuar të ditës.

6. Kontrolloni Google Search Console

Nëse Google dedekton ndonjë problem me SEO e faqes tuaj ose optimizimin, do të keni sinjalizime në Google Search Console. Për atë arsye, është e rëndësishme të kontrolloni shpesh për të parë nëse Google ka shënuar ndonjë problem për faqen tuaj.

Ju gjithashtu mund të shfletoni raportet e tjera për të parë ndonjë ndryshim dhe trend.

Detyrat mujore të mirëmbajtjes të WordPress

7. Testet e Performancës

Sa shpejt ngarkohet faqja juaj luan një rol kryesor në përvojën e përdoruesit dhe përqindjet e konvertimit dhe madje ka një efekt të vogël pozitiv në SEO.

Kur keni krijuar faqen tuaj, ju ndoshta e keni optimizuar për performancën. Sidoqoftë, kjo nuk do të thotë që faqja juaj do të qëndrojë e optimizuar, prandaj është e rëndësishme të vlerësoni në mënyrë periodike punën e faqes tuaj për të kapur ndonjë problem të mundshëm.

Një herë në muaj është një frekuencë e mirë për shumicën e faqeve të internetit, megjithëse mund të realizoni teste të performacës edhe një herë në javë.

8. Analizoni trafikun e faqes tuaj

Për të kuptuar se çfarë po ndodh në faqen tënde, duhet të përdorësh një lloj mjeti të analizave të faqes siç është Google Analytics.

Nëse marketingu dixhital është një pjesë serioze e strategjisë suaj, ju me siguri po kontrolloni analizat tuaja të internetit çdo ditë. Shumica e webmasterave nuk kanë nevojë ta kontrollojnë shpesh, por është e dobishme të kontrolloni një herë në muaj apo më shumë për të parë se çfarë po ndodh dhe të vëreni ndonjë trend.

Nëse SEO është një pjesë e rëndësishme e strategjisë tuaj, ju gjithashtu mund të monitoroni fjalët kyçe për të ndjekur renditjen e faqes në Google.

9. Bëni një skanim sigurie

Për shkak se WordPress është i popullarizuar, është një target për hackers. Për tu siguruar që faqja juaj të mos bëhet viktimë, është mirë të bëni skanime të rregullta të sigurisë për të kapur çështje të mundshme.

Me Imunify ofrohet opsioni automatik i skanimit.

10. Optimizoni bazën e të dhënave

Baza e të dhënave të faqes suaj është ajo që ruan të gjithë përmbajtjen tuaj, opsionet e temës, opsionet e shtojcave, etj. Me kalimin e kohës, ajo mund të ngarkohet përmes gjërave të tilla si rishikimet e postimeve, kalimet, komentet, etj.

Për atë arsye, është një ide e mirë që të rishikoni periodikisht bazën e të dhënave të faqes tuaj për të hequr të gjitha gjërat e panevojshme.

Ju mund ta bëni këtë duke përdorur disa shtojca të performancës përfshirë WP Rocket. Këto shtojca ju lejojnë të planifikoni optimizimin e bazës së të dhënave tuaja duke u ekzekutuar automatikisht.

11. Kontrolloni për broken links ose error 404

Broken Links ose Error 404 janë të tmerrshme për përvojën e përdoruesit në faqen tuaj, sepse u pengojnë vizitorëve të gjejnë atë që kërkojnë.

Broken Links ose Error 404 janë gjëra të ndara, ato shkojnë dorë për dore sepse një Broken Links çon drejtpërdrejt në një Error 404. Nëse nuk jeni njohur me atë që është një Error 404, ky error shfaqet kur një vizitor shkon në një URL që nuk ekziston.

Për të kontrolluar nqs faqja juaj ka Broken Links, mund të përdorni një shtojcë që i kontroll këto lidhje për ju.

Për të gjetur faqen që vizitorët u përpoqën të aksesonin që çuan në Error 404, mund të kërkoni diçka si “Nuk u gjetë” në Google Analytics dhe më pas klikoni në renditjen (shënuar me shigjetën në pamjen më poshtë) për të gjetur URL-të specifike që shkakton Error 404.

Përveç rregullimit të Error 404 të faqes, ju gjithashtu mund të përdorni Elementor për të krijuar një faqe të personalizuar 404 që mund të ndihmojë në udhëheqjen e vizitorëve për atë që kërkojnë.

12. Verifikoni backup-in e faqes tuaj

Një backup rezervë është i mirë vetëm nëse funksionon. Duhet të siguroheni që ato backup-s që ju keni funksionojnë.

Detyrat vjetore të mirëmbajtjes të WordPress

13. Merrni parasysh nëse keni nevojë për një Host të ri

Ndërsa faqja juaj rritet, ju mund të tejkaloni pritjen tuaj aktuale. Kjo kërkon përditësim në një plan të nivelit më të lartë apo dhe kalimin në një kompani tjetër hostimi.

Është një ide e mirë të kontrolloni një herë në vit apo më shumë për të parë nëse hosti juaj po plotëson nevojat tuaja kur bëhet fjalë për performancën, besueshmërinë dhe opsionet e tjera që ofron.

14. Ndryshoni fjalëkalimin tuaj WordPress

Ndryshoni fjalëkalimin në WordPress të paktën një herë në vit që ta mbani faqen më të sigurtë.

Gjithashtu përdorni opsione të ndryshme për të bllokuar hyrjen në WordPress nqs ka shumë tentativa me fjalëkalim të gabuar.

15. Auditoni përmbajtjen tuaj

Një audit i përmbajtjes është një mënyrë e shkëlqyeshme për të përmirësuar SEO e faqes tuaj dhe përvojën e përdoruesit.

Në thelb, qëllimet tuaja me një kontroll të përmbajtjes janë:

Përditësoni dhe përmirësoni përmbajtjen tuaj me performancë të lartë për ta ndihmuar atë të mbajë renditjen e saj ose të performojë edhe më mirë.

Hiqni përmbajtjen joefektive dhe bashkojeni përmbajtjen e saj me një përmbajtje tjetër ose ridrejtojeni atë në një tjetër përmbajtje.

Gjithashtu do t’ju ndihmojë të kuptoni se cila përmbajtje funksionon më mirë për faqen tuaj në mënyrë që të mund të përqëndroni strategjinë tuaj.

16. Auditoni shtojcat tuaja

Çdo shtojcë që shtoni në faqen tuaj është cënueshmëri e sigurisë dhe e performancës së faqes. Kjo nuk do të thotë që nuk duhet të përdorni shtojca, por duhet të keni kujdes që të siguroheni që përdorni vetëm shtojca thelbësore.

Për këtë arsye, është një ide e mirë të kontrolloni një herë në vit nëse faqja juaj po përfiton nga secila shtojcë që po përdorni. Nëse faqja juaj nuk po përfiton aq shumë sa keni menduar, merrni parasysh çaktivizimin dhe fshirjen e shtojcës.

Mbani faqen tuaj të Mirëmbajtur dhe Eliminoni çdo problem

Mund të dëshironi të rregulloni frekuencën për faqen tuaj të internetit. Për shembull, nëse format e faqes tuaj nuk luajnë një rol kryesor në biznesin tuaj, ju nuk keni nevojë t’i kontrolloni ato çdo javë.

Ne u përpoqëm të gjenim një frekuencë që do të jetë optimale për shumicën e faqeve, kështu që kjo listë kontrolluese është një referencë për të filluar të ndërtoni plane të mirëmbajtjes.

Sidoqoftë, sapo të hyni në rrjedhë, detyrat tuaja duhet të marrin vetëm disa minuta në javë, me ca kohë shtesë çdo muaj ose vit për të kryer disa detyra të tjera.

The post Mirëmbajtja e faqes WordPress: Një listë me 16 hapa appeared first on CloudyHost®.

Ndonjëherë problemet mund të lindin edhe kur instaloni një çertifikatë SSL që mund të parandalojë krijimin e lidhjeve të sigurta. Një nga këto çështje është përmbajtja e pasigurtë.

Lidhjet HTTP vs HTTPS

Për të shpjeguar përmbajtjen e pasigurtë, së pari do të duhet të kuptoni ndryshimin midis lidhjeve HTTP dhe HTTPS. Ju ndoshta keni parë që të dy shfaqen në shiritin e adresave të shfletuesit të internetit si parashtesë e faqes që po vizitonit. HTTP është Protokolli i Transferimit të Hypertext dhe lejon transferimin e të dhënave përmes internetit midis një serveri dhe një klienti, siç është një shfletues webi. HTTPS – Hypertext Transfer Protocol Secure është e njëjtë, përveç me një ndryshim – transferimi i të dhënave është i koduar, që do të thotë se asnjë palë e tretë nuk mund të ketë qasje në informacionin e dërguar përmes kësaj lidhjeje.

Kur një website ka një çertifikatë SSL, faqet e saj të internetit do të ngarkohen përmes protokollit HTTPS. Kur një faqe ka përmbajtje të pasigurtë, faqja juaj ka të ngjarë të ngarkohet përmes HTTP dhe përdoruesit do t’i shfaqet një mesazh, “kjo faqe përmban artikuj të sigurtë dhe jo të sigurtë”.

Në momentin që ju shfaqet një mesazh i tillë pasi keni tentuar për të instaluar një SSL është padyshim zhgënjyese. A nuk duhej që çertifikata SSL të bënte gjithçka të sigurtë?

Çertifikatat SSL nuk janë një zgjidhje e shpejtë për të gjitha nevojat e sigurisë së faqes. Nëse faqja juaj ka probleme, nuk do ta tejkalojë atë. Përmbajtja e pasigurtë ndodh për shkak të një problemi me kodimin e faqes dhe nuk ka të bëjë me një SSL.

Çfarë është përmbajtja e pasigurtë?

Kur flasim për përmbajtjen e faqes, do të flasim për gjithçka që përbën, nga CSS, Javascript dhe HTML e deri tek imazhet dhe videot. Para se të ngarkohet një faqe në shfletuesin tuaj, ajo dërgon një mesazh tek serveri, duke kërkuar përmbajtjen që ka në faqe. Shumica e faqeve në internet përbëhen nga një kombinim i përmbajtjes, dhe secili burim shkarkohet përmes kërkesave të veçanta. Pasi të jetë shkarkuar përmbajtja, faqja shfaqet në shfletuesin tuaj.

Përmbajtja e pasigurtë ndodh kur një pjesë e përmbajtjes ngarkohet përmes HTTP. Kur faqja juaj në internet ka përmbajtje të sigurtë dhe të pasigurtë, kjo njihet si përmbajtje e përzier. Kjo ndodh në momentin që një pjesë e përmbajtjes së faqes tuaj është hostuar në një faqe që nuk përmban SSL, kështu që ato po ngarkohen përmes një lidhjeje që nuk është e enkriptuar. Kjo ndodh gjithashtu edhe kur përmbajtja është në një site me një SSL të skaduar ose të pavlefshme.

Pse përmbajtja e pasigurtë është problem?

Nëse ndonjë nga përmbajtjet ngarkohen përmes një lidhje HTTP, atëherë e gjithë faqja do të ngarkohet përmes HTTP edhe nëse keni një SSL. Çertifikatat SSL shtojnë sigurinë e lidhjes midis përmbajtjes në serverin tuaj dhe shfletuesit të një përdoruesi, dhe jo përmbajtjes të hostuar diku tjetër.

Faqet me përmbajtje të përzier mund të lërë përdoruesit e saj të ndjeshëm ndaj sulmeve nga hackers, ku mund të ndërpritet dhe modifikohet lidhja midis një shfletuesi dhe serverit.

Përtej kësaj, përmbajtja e përzier mund të ndikojë në trafikun e faqes në internet dhe në përdorimin e faqes. Përdoruesve ju shfaqet një mesazh që i paralajmëron që faqja nuk është e sigurtë dhe në këtë mënyrë mund të zgjedhin të mos vazhdojnë më.

Shumë shfletues kanë filluar të bllokojnë tërësisht përmbajtjen e pasigurtë. Në një përditësim të janarit 2021, Google Chrome filloi të bllokonte shkarkimet HTTP të imazheve, dokumenteve dhe PDF nga faqet HTTPS.

Rregullimi i përmbajtjes së pasigurtë në faqen tuaj

Nëse zbuloni se faqja juaj ka përmbajtje të pasigurtë dhe nuk keni ide se ku të filloni me rregullimin e saj, mos e humbni shpresën. Ka shumë burime që mund t’ju ndihmojnë:

• Why No Padlock? – Shkruani URL e faqes tuaj dhe do të gjej çdo artikull të pasigurtë në faqe.
• HTTPS Checker – Kjo do të kontrollojë çdo përmbajtje HTTP në faqen tuaj.

Tani që e dini se cila është përmbajtja e pasigurtë, keni disa mundësi për ta rregulluar atë:

• Instaloni SSL: WordPress plugin do të gjejë dhe zgjidhë çështjet më të pasigurta të përmbajtjes për ju.
• Fshini plotësisht materialet e përmbajtjes së pasigurtë nga faqja juaj.
• Nëse lejohet, ringarkoni materialin direkt në faqen tuaj.
• Lidhni përmbajtjen me një faqe më të sigurtë.

Përfundimi

Përballja me çështjen e përmbajtjes së pasigurtë në faqen tuaj mund të jetë një shqetësim. Për fat të mirë, gjetja dhe rregullimi i tij është shumë i lehtë falë mjeteve falas në dispozicionin tuaj. Nëse zbuloni se faqja juaj është e pasigurtë, rregullojeni që ta bëni të sigurtë sa më shpejt, për hir të faqes suaj dhe sigurisë së përdoruesit.

The post Si të rregullojmë përmbajtjen e pasigurtë në faqe appeared first on CloudyHost®.

MailChannels Cloud është një SMTP (Simple Mail Transfer Protocol), shërbim që kontrollon dhe identifikon spammers në rrjet dhe eliminon problemet e email-eve. Mund të ruajë reputacionin më të mirë të postës elektronike dhe të sigurojë që email-et të arrijnë me sukses destinacionin e saktë.

Si funksionon MailChannels ?

MailChannels zbulon dhe bllokon llogarinë e rrëmbyer dhe siguron alarme për të ndërmarrë veprime. Kështu MailChannels mbron mesazhet tuaja dhe imazhin tuaj të korporatës.

Sistemi i MailChannel përdor inteligjencën artificiale për të identifikuar dërguesin e çdo mesazhi dhe gjurmon sjelljen e dërguesit për të kufizuar spam-et nga llogaritë e klientëve. Çdo llogari vlerësohet për rreziqet potenciale të secilit përdorues në rrjet.

Teknikat e MailChannels

Një nënshkrim dixhital përdoret kur kontrollohet përmbajtja e një email-i në kohë reale.

Veprimet që përsëriten mund të rezultojnë në kufizimin ose bllokimin e mesazheve nga kjo llogari.

MailChannels gjithashtu kontrollon bazat e të dhënave të jashtme të tilla si shërbimet e monitorimit të domanit për të identifikuar mesazhet e lidhur me spam.

Vëzhgon një sërë statistikash për çdo dërgues lidhur me përmbajtjen e dyshimtë për të ndihmuar në vlerësimin e rreziqeve të mundshme.

The post Çfarë MailChannels delivery? appeared first on CloudyHost®.

Secure Shell siguron komunikime të koduara të të dhënave midis dy kompjuterëve që lidhen nëpërmjet një rrjeti të hapur siç është interneti. SSH përdoret gjerësisht për menaxhimin e sistemeve dhe aplikacioneve.

Si funksionon SSH Encryption?

SSH mundëson siguri për lidhjet në largësi duke ofruar një enkritipim të fortë kur paisja është e kyçur ( useri dhe passwordi ) si dhe 
po ashtu për të dhënat që janë duke u shkëmbyer ndërmjet paisjeve.

SSH përdor kriptografinë publike të çelësave, por dhe çelësat manual mund të përdoren po ashtu. Protokolli mbështetet në një çelës privat ose në më shumë çelësa publikë të përdorur në server.

Funksionet e Secure Shell

Funksionet që SSH mundëson, përfshijnë:

➤Qasje të sigurt në sistemet ose pajisjet e rrjetit të mundësuar nga SSH, për përdoruesit, si dhe proceset e automatizuara;

➤Siguri në transferimin e skedarëve

➤ Siguron pajisjet ose sistemet e largëta;

➤Menaxhim i sigurt i infrastrukturës së rrjetit.

The post Çfarë është SSH Access? appeared first on CloudyHost®.

JetBackup është një zgjidhje kryesore backup për cPanel. JetBackup ju lejon t’i bëni backup llogarisë tuaj cPanel shpejt dhe me efikasitet të lartë përmes cPanel Remote.

Pse u ofrojmë klientëve tanë JetBackup?

➤JetBackup u mundëson përdoruesve të bëjnë backup brenda panelit të kontrollit të web hosting.

➤Inkurajon përdoruesit për rëndësinë e ruajtjes së të dhënave të tyre të rëndësishme.

Pse JetBackup është i rëndësishëm?

JetBackup ka shumë përparësi në krahasim me backup-et tradicionale. J’a disa karakteristika:

Multi-planifikim

Multi-planifikimi ju lejon të krijoni planifikime të shumëfishta të cilat mund të aplikohen në të njëjtin backup.

Backup në çdo orë

JetBackup i bën backup llogarisë tuaj në çdo ore. Është një mundësi e domosdoshme për faqet dinamike me të dhëna që ndryshojnë shpesh.

Filtrimi i llogarisë

Ju keni mundësinë të vendosni filtra për të saktësuar se cilat llogari dëshironi të përfshni ose të përjashtoni në backup-in tuaj.

Disa opsione të JetBackup                   

Backup i plotë i llogarisë

Mund të shkarkoni një kopje rezervë të plotë të llogarisë suaj në JetBackup.

Backup i skedarëve

Seksioni i File Backups në JetBackup do t’ju lejojë të riktheni çdo skedar dhe dosje që dëshironi.

Backup i Bazës së të dhënave

Seksioni i Backupeve të bazës së të dhënave në JetBackup do t’ju lejojë të riktheni çdo databasë. Ju do të shihni një listë të bazave të të dhënave tuaja, si dhe kohën që është bërë backup i tyre.  

The post Çfarë është JetBackup? appeared first on CloudyHost®.

Imunify360 është një zgjidhje e fuqishme sigurie për të gjithë serverat e Linux web.

Faqet e platformave të bazuara në PHP, si WordPress, Joomla dhe Magento CMS, aplikacione të ndryshme për eCommerce dhe forume, janë të cënueshme nga sulmet në internet. Me vetëm disa rreshta kodesh, hakerët mund të injektojnë malware, të dëmtojnë faqen tuaj, ose të limitojnë qasjen tuaj në faqen e internetit.

Imunify360 përdor algoritme të shumta për të identifikuar rastet qe mund të sjellin probleme dhe për t’i parandaluar sulmet e reja.

Përfitimet e Imunify 360

➤Imunify360 vazhdimisht mbledh dhe përpunon sasi të madhe informacioni rreth sulmeve të reja nga serverat në të gjithë botën. Analizon trafikun në internet që godet serverat tuaj, kupton të gjitha kërcënimet e sigurisë dhe përdor teknologjinë e fuqishme të AI për të përditësuar në mënyrë dinamike rregullat e saj dhe për të parandaluar sulme që mund të shkaktojnë dëm.

➤Mbron serverin tuaj dhe të gjitha faqet nga kërcënime, të tilla si malware të njohur dhe të panjohur. 

➤Analizon të dhënat nga rrjeti global për të ndaluar sulmet para se të ndodhin.

➤Përfshin karakteristika të tjera të tilla si Menaxhimi i Reputacionit dhe një sistem i avancuar Captcha për verifikimin e vizitorëve të faqes edhe një sistemi me frekuencë të lartë të skanimi që nuk e pakëson punën e sistemit tuaj.

Të gjitha paketat tona hosting tashmë përfshijnë mbrojtje IMUNIFY360.

Mbani WordPress, Joomla, Drupal dhe faqet e tjera të bazuara në PHP automatikisht të sigurta dhe pa malware duke përdorur planet e hosting nga CloudyHost.com

The post Çfarë është Imunify360? appeared first on CloudyHost®.

SSL lejon informacionet e rëndësishme si numrat e kartës së kreditit apo numrat personal të identifikimit të transmetohen në mënyrë të sigurt.

Si t’a kuptoni që një faqe interneti është e sigurt me SSL?

Një faqe interneti është e sigurt me SSL kur në adresën e URL-së shfaqet HTTPS në vend të HTTP apo dhe simboli i një dryni.

J’a një shembull i një faqeje interneti të sigurt me SSL(shembulli i parë) dhe një faqeje të pasigurtë (shembulli i dytë).

Pse certifikata SSL është kaq e rëndësishme?

Kodon informacionet e rëndësishme

Kur përdoret një certifikatë SSL, informacioni bëhet i paqartë për të gjithë, përveç serverit për të cilin po dërgoni informacionin. Kjo e mbron atë nga hakersat.

Prania e HTTPS-së do t’u tregojë vizitorëve se faqja juaj është e sigurt. Nëse faqja juaj nuk e përmban HTTPS-në, vizitorët mund ta etiketojnë atë si “të pasigurt”.

Google i jep faqeve të internetit me certifikatë SSL një rritje në rënditje. SSL do t’ju japë përparësi ndaj konkurrentëve tuaj të cilët ende nuk kanë SSL-në.

Si të merrni një Certifikatë SSL?

Të gjitha paketat e web hosting në CloudyHost vijnë me një çertifikatë SSL të përfshirë.

Çfarë është Let’s Encrypt SSL?

Let’s Encrypt siguron dy lloje të certifikatave, SSL dhe SSL Wildcard, i cili mbulon jo vetëm një domain të vetëm, por të gjitha nëndomainet e tij gjithashtu. Të dyja llojet e certifikatave SSL lëshohen për një periudhë prej 90 ditësh në serverat e CloudyHost.com dhe ripërsëriten automatikisht.

The post Çfarë është SSL dhe Let’s Encrypt SSL? appeared first on CloudyHost®.