Shumica e këtyre janë objektivi kryesor i hakerave. Ne monitorojmë faqet çdo ditë dhe shohim se numri i sulmeve po rritet çdo javë.

Arsyeja pse hakerët sulmojnë faqet e internetit mbetet ende një mister për shumë njerëz. Në këtë artikull, do të mësoni pse hakerët i sulmojnë faqet e internetit.

Nëse jeni zhvillues uebi, agjenci apo përgjegjës për faqet e internetit, me siguri keni hasur këtë problem. Nëse jeni pronar i një faqeje ose fillestar në këtë fushë, një faqe e hakuar mund të jetë një surprizë e madhe për ju.

Cili është motivimi kryesor pas sulmeve?

Në shumicën e rasteve, nuk jeni ju apo faqja juaj objektivi specifik. Nuk është as biznesi juaj që qëndron pas faqes. Hakerët synojnë softuerin që përdorni. Paraja është natyrisht, motivimi më i zakonshëm pas këtyre sulmeve.

Hakerët që sulmojnë faqet e internetit kur janë të suksesshëm, gjenerojnë para.

Sa faqe interneti hackohen çdo ditë?

Të dhënat e fundit tregojnë se rreth 50,000 faqe interneti hackohen çdo ditë. Kjo mund të nënkuptojë shumë para për hakerët, apo jo?

Si bëjnë para hakerët me faqet e internetit të hakuara?

Edhe një faqe e vogël mund të gjenerojë një shumë të konsiderueshme parash. Kriminelët kibernetikë dhe hakerët mund të përfitojnë nga faqja juaj e komprometuar duke shpërndarë malware, SEO spam, apo edhe duke ngritur server për spam e-mail ose faqe phishing.

SEO spami është një problem shumë i zakonshëm. Nëse e analizoni më thellë, do të shihni se hakerët ndërmarrin veprime të ndryshme për të fituar para, dhe një prej tyre është SEO spami.

Çfarë është SEO spami?

SEO spami është një lloj spam-i. Në thelb, është veprimi i vendosjes së backlinks dhe spam-it në faqe të ligjshme. Kjo metodë mbetet një nga llojet më fitimprurëse dhe më të përhapura të sulmeve ndaj faqeve të internetit.

Pasi faqja e internetit komprometohet, një backdoor me qëllim të keq ngarkohet në faqen tuaj, duke i dhënë sulmuesit akses për të ridrejtuar fshehurazi vizitorët tuaj drejt faqeve mashtruese kurdo që dëshiron.

Përveç gjenerimit të parave për hakerët, faqja juaj merr një penalitet nga motorët e kërkimit, gjë që dëmton SEO-në tuaj.

Hakerët përdorin malware

Malwari është skenari më i keq, por hakerët keqdashës mund të përdorin faqen tuaj për të infektuar vizitorët me ransomware.

Cila është diferenca midis malware dhe ransomware?

Malware është një softuer me qëllim të keq, një kod që është krijuar për të ndërprerë, çaktivizuar, ose marrë nën kontroll sistemin tuaj. Zakonisht është i fshehur ose maskuar si diçka tjetër, në mënyrë që të mos zbulohet nga skanimi për malware. Ransomware është një lloj specifik i malwareve.

Pse malware duhet hequr manualisht?

Kur bëjmë heqjen e malware-it, e kryejmë atë manualisht. Arsyeja është se shumica e skanerave nuk arrijnë të gjejnë malware-in dhe, edhe në rastet më të mira kur e gjejnë, mund të ketë ende një backdoor që duhet të riparohet. Riparimi është kritik, prandaj kemi ekspertë të sigurisë që bëjnë korrigjimin manualisht.

Ransomware është një lloj specifik i malwareve. Kur të dhënat e një faqeje janë të koduara, ato mund të dekriptohen vetëm me një çelës që është i njohur për sulmuesin. Kështu, sulmuesi mban të dhënat tuaja dhe kërkon një shpërblim nga ju që të mund të riktheni aksesin në to.

Mes viteve 2014 dhe 2016, mbi 100,000 faqe WordPress dhe Joomla po ridrejtonin vizitorët drejt Neutrino Exploit Kit, i cili përpiqej të depërtonte në shfletuesin e kompjuterit të vizitorëve dhe, kur kishte sukses, infektonte sistemin operativ me ransomware CryptXXX.

Ky është gjithashtu një treg miliardash: lexoni më shumë këtu.

Dhe është duke u rritur: Sipas raportit më të fundit për kërcënimet në sigurinë e internetit:

• $294 = Shuma mesatare e parave të kërkuara për çdo person në vitin 2015
• $1,077 = Shuma mesatare e parave të kërkuara për çdo person në vitin 2016
• $2,000 = Shuma mesatare e parave të kërkuara për çdo person në vitin 2017
• $6,733 = Shuma mesatare e parave të kërkuara për çdo person në vitin 2018

Kur flasim për vitin 2020, të dhënat tregojnë se kërkesat për ransomware mund të kalojnë 1.4 miliard dollarë në SHBA. Numrat janë në rritje të dukshme dhe duhet të jenë alarmante për çdo pronar të faqes së internetit. Nuk dëshironi të paguani 13,000 dollarë për të dhënat tuaja, apo jo?

Duke u kthyer tek malwaret, ka shumë mënyra të tjera për të fituar para me të. Për shembull, faqet e internetit të hakuara mund të lidhen me një botnet, i cili më pas mund të përdoret për të ofruar një shërbim DDoS për të sulmuar faqe të tjera dhe shërbime në internet.

Si të mbroni faqet tuaja nga malwaret?

Tre gjërat më të rëndësishme që duhet të mbani mend kur dëshironi të mbani faqet tuaja të pastra nga malwaret. Këto tre gjëra janë: përditësimet, firewall-i dhe fjalëkalimet e sigurta.

1. Përditësimet: Sigurohuni që të jeni gjithmonë në versionin më të fundit. Mund të aktivizoni përditësimet automatike për shtojcat e cenueshme nëse e dini se nuk keni kohë për t’i kontrolluar ato çdo ditë. Me paketat tona të hostimit ofrohen përditësime automatike.
2. Instaloni një firewall për aplikacionet në internet: Ju lutem bëni hulumtim mbi teknologjinë. Është thelbësore të keni një firewall që merr përditësime të vazhdueshme dhe vPatches.
3. Përdorni fjalëkalime të sigurta: Aktivizoni autentifikimin me dy faktorë në faqet tuaja dhe përdorni ReCaptcha në format e kontaktit tek faqja juaj.

Vandalizmi me defacement

Ka edhe hakers të cilët bëjnë veprime të këqija për argëtim. Këta hakers që sulmojnë faqet janë hakerat e deface-it, vandalët dhe “script kiddies”.

Shpesh janë fëmijë që testojnë aftësitë e tyre dhe duan t’i tregojnë ato në forume hakerash për t’u konkurruar me defacement-in më të shquar.

Fatmirësisht, këto lloje sulmesh zakonisht janë më të lehtat për t’u zbuluar dhe riparuar. Mund të gjeni faqet e defacuara nga faqet pasqyruese, ku defacers postojnë viktimat e tyre të reja.

Si po sulmojnë hakerët faqet e internetit?

Hakimi i faqeve të internetit është kryesisht i automatizuar. Ky është një element kritik, pasi ka një keqkuptim të zakonshëm mbi mënyrën se si ekzekutohen sulmet.

Ja një shembull se si një haker uebi e hakon faqen tuaj:

1. Hakeri fillon me përpilimin e një liste objektesh sipas vendeve dhe një fingerprinting të veçantë (Google Dorking). Ai mund të përdorë (mjetet automatike të disponueshme) Google për të gjetur, për shembull, çdo faqe interneti në Çeki me faqen default të WordPress “Hello World” si: site:.cz inurl:/hello-world/.
2. Tani, me listën e mbi 5000 faqeve WordPress, ka shumë mundësi. Ai mund të fillojë të bëjë fingerprinting (automatik) të softuerëve specifikë të cenueshëm (të vjetruar) dhe të përpiqet të bëjë brute-force në llogarinë admin me kombinime të ndryshme (po ashtu automatike).

Në këtë hap, sulmuesi mund të ketë tashmë akses në shumë faqe (shumica e faqeve nuk përditësohen shpesh dhe nuk kanë masa sigurie).

3. Hapi përfundimtar, gjithçka ka të bëjë me infektimin dhe përdorimin e faqes siç dëshiron sulmuesi (khm.. gjithashtu e automatizuar).

Si po sulmojnë hakerët faqet e internetit?

Sulmuesi mund ta ketë hackuar faqen tuaj pa e vizituar ndonjëherë faqen ose pa e parë me sytë e tij. Shumica e hakimeve bëhet duke përdorur mjete automatike.

Dhe po, duhet të shqetësoheni për këtë. Ashtu siç ndodhin në ndërtesat e braktisura që marrin grafiti, është vetëm çështje kohe kur faqja juaj të infektohet me malware nëse nuk keni mirëmbajtje bazike, masa sigurie dhe monitorim të duhur.

Problemi është i madh dhe po rritet me kalimin e kohës.

Ja çfarë publikoi Google në blogun e tij në fund të marsit 2017:

“Kemi parë një rritje të numrit të faqeve të hakuara prej rreth 32% në vitin 2016 krahasuar me vitin 2015. Nuk presim që ky trend të ngadalësohet.”

— Google

Përfundim: Çdo ditë ka hakers që sulmojnë faqet e internetit

Çdo ditë rreth 50,000 faqe hakohen. Në shumicën e rasteve, zhvilluesit e uebit ose pronarët e faqeve nuk kanë mjaftueshëm njohuri rreth asaj që po ndodh në faqen e tyre.

Kjo është arsyeja pse ju nevojitet të merrni masa të duhura për të kuptuar rreziqet dhe për të qenë të vetëdijshëm për cenueshmëritë që mund të ndikoj në biznesin dhe faqen tuaj të internetit.

Ju duhet të mbroni faqen tuaj me një firewall të menaxhuar për aplikacione në internet, ta mbani të përditësuar vazhdimisht dhe të përdorni fjalëkalime të sigurta.

CloudyHost mund t’ju ndihmojë të mbroni faqet tuaja dhe t’i mbani ato të përditësuara.

Faqja juaj e internetit është fytyra e kompanisë tuaj, mbrojeni!

The post Pse Hakers po sulmojnë Faqet Online? appeared first on CloudyHost®.

Çfarë është një Nulled Plugin?

Një Nulled Plugin është një kopje e një Plugini me pagesë që është modifikuar për të ofruar funksionalitetin premium pa paguar një licencë. Në shumicën e rasteve, pluginet dhe temat Nulled përmbajnë backdoor dhe malware të tjerë.

Çfarë janë disa nga rreziqet e përdorimit të Plugin dhe Temave Nulled?

Plugin dhe Temat Nulled përmbajnë backdoor dhe malware të tjerë që përdoren për të shpërndarë spam, SEO, kryer sulme në faqe të tjera, vjedhja informacionit të ndjeshëm dhe ridrejtojnë vizitorët në faqe te tjera, të gjitha këto mund të vendosin në rrezik vizitorët e faqes suaj dhe të dëmtojnë reputacionin tuaj.

Shumë Plugin dhe Tema Nulled gjithashtu injektojnë përdorues të fshehur administrator në bazën e të dhënave të faqes suaj, duke i lejuar hackerave kontrollin mbi faqen tuaj WordPress.

Kini parasysh se, duke instaluar një Plugin Nulled, në thelb jeni duke i dhënë Pluginit kontroll të plotë mbi faqen tuaj.

Çfarë duhet të bëj nëse kam një Plugin ose Temë Nulled të instaluar?

Nëse zbuloni se keni një Plugin ose Temë të Nulled të instaluar, ne rekomandojmë që ta fshini menjëherë.

Gjithashtu, ne rekomandojmë të kontrolloni bazën tuaj të të dhënave për përdorues administratorë të paautorizuar, pasi këta shpesh shtohen nga Plugin dhe Temat Nulled dhe mund të jenë të fshehura nga administratorët e tjerë.

Përfundimi

Në artikullin e sotëm, kemi mbuluar disa pyetje të shpeshta rreth plugineve dhe temave Nulled të WordPress-it, duke përfshirë disa nga rreziqet dhe çfarë të bëni nëse keni një plugin ose temë Nulled të instaluar në faqen tuaj.

Përdorimi i Plugineve ose Temave Nulled gjithmonë ka një kosto, qoftë besimi i përdoruesve tuaj kur faqja juaj është e hakeruar, ose kosto monetare per ta ribere faqen nga e para nese infektimi ka demtuar faqen ekzistuese

The post Pse nuk duhet të instaloni Plugin dhe Tema Nulled në WordPress appeared first on CloudyHost®.

Duke qenë se ky version është ende pjesë e fazës së dytë të projektit Gutenberg, ai përmban shumë përmirësime në editimin e bllokut të tekstit. Për më tepër, ai vjen me temën e re by default Twenty Twenty-Tree.

Tema e re Twenty Twenty-Three

Pas temës Twenty Twenty-Two në WordPress 5.9, 6.1 prezanton një temë të re të quajtur Twenty Twenty-Tree.

Ajo vjen me njëmbëdhjetë stile temash, duke ju lejuar të ndryshoni lehtësisht skemën e ngjyrave dhe tipografinë nëpërmjet opsionit Global Styles. Edhe nëse nuk dëshironi të përdorni stile temash by default, shumëllojshmëria e gjerë e opsioneve ofron mundësi shumë të mira për personalizim.

Një përmirësim tjetër në Twenty Twenty-Tree është tipografia. Jo vetëm që merrni më shumë opsione të fonteve, por ato janë të disponueshme në të njëmbëdhjetë stilet. Kjo lejon më shumë liri në zgjedhje.

Përmirësimet e editimit të bllokut

Opsionet në template

6.1 vjen me dy opsione të reja template – Page dhe Post. Versioni i ri gjithashtu thjeshton procesin e krijimit të template duke shtuar automatikisht modelet përkatëse, kështu që nuk duhet të filloni më nga e para.

Për shembull, kur shtoni template Single Item: Post, ai do të fillojë me modele blloku që përfshijnë përmbajtjen e postimit, pjesën e pyetjeve/komenteve dhe pjesët e template si titulli dhe fundi. Nga ajo pikë, mund të filloni të personalizoni paraqitjen ose dizajnin.

Një përmirësim tjetër është se ju mund të zgjidhni të shtoni template në të gjithë artikujt ose në një pjesë të veçantë. Për shembull, kur shtoni një template autori, do t’ju kërkohet të zgjidhni nëse template do të zbatohet për të gjithë autorët apo vetëm për një.

Në këtë mënyrë, ju mund të krijoni template të përshtatura për Autorin, Kategorinë dhe Post-in.

Përveç kësaj, tani ekziston opsioni i template të personalizuar që ju lejon të krijoni një template të ri për çdo postim ose faqe. Ai do të shfaqë një model të ngjashëm me template të postimit, por ju mund ta rindërtoni atë për t’iu përshtatur çfarëdo lloji përmbajtje.

Bllokimi i bllokut

Bllokimi i bllokut siguron që blloqet tuaja të përmbajtjes nuk do të fshihen ose zhvendosen aksidentalisht. Sidoqoftë, kyçja e një blloku në tërësi mund të marrë shumë kohë pasi duhet të kyçni të gjitha blloqet individuale një nga një.

WordPress 6.1 prezanton një përmirësim të ri në këtë sistem, duke ju lejuar të aplikoni bllokimin e bllokut për të gjithë elementët brenda një grupi blloku.

Editimi vetëm i përmbajtjes

WordPress 6.1 mbështet editimin vetëm për përmbajtjen e grupeve, cover dhe kolonave duke përdorur atributin templateLock. Kjo ju lejon të bllokoni layout të përmbajtjes gjatë shkrimit, ngarkimit të imazheve apo editimit të përmbajtjes.

Përditësimi i kuotave dhe listave të blloqeve

Kuota dhe lista e blloqeve tani mund të përmbajnë blloqe të brendshme për më shumë fleksibilitet në përmbajtje.

Insertimi i bllokut është tani i disponueshëm në bllokun e kuotave. Mund ta përdorni për të shtuar çdo bllok në përmbajtje duke klikuar ikonën e shtimit të bllokut (+) ose duke shtypur / në linjën e bllokut të kuotave.

Për shembull, ju mund të shtoni një bllok titulli përpara se të shkruani tekstin më poshtë ose për të përfshirë një imazh në bllokun e kuotave.

Blloqe të shumta brenda bllokut të kuotave ju lejojnë të riorganizoni lehtësisht përmbajtjen e brendshme.

Featured Image

WordPress 6.1 vjen me opsionin për të shtuar Featured Image kur jeni duke shtuar një bllok cover. Në këtë mënyrë, ju mund të shtoni Featured Image më lehtë dhe më shpejt.

Opsionet e dimensioneve

WordPress 6.1 shton një slider me shtatë opsione për dimensionet, të tilla si hapësira e bllokut dhe margin. Kjo i lejon përdoruesit të vendosin një vlerë sa më shpejtë dhe të aplikojnë lehtësisht të njëjtën vlerë për blloqet e tjera.

Vazhdon të ekzistoj ende një buton për t’u kthyer në hapësirën e vjetër nëse dëshironi të përfshini vlera të personalizuara.

Përditësimi i butonit të rishikimit

Butoni Preview tani emërtohet View, por ai ende funksionon në mënyrë të ngjashme. Kjo ju lejon të zgjidhni midis pamjeve në desktop, tablet dhe celular dhe të hapni pamjen paraprake në një skedë të re.

Dallimi i vetëm është opsioni i ri View Site, i cili do të hapë faqen tuaj në një skedë të re.

Opsionet e Template në bllok

Opsionet e template janë tani të disponueshme në insertimin e bllokut. Kjo e bën më të lehtë krijimin ose personalizimin e template-ve të rinj pasi mund t’i shtoni këto opsione me disa klikime.

Opsionet e reja tek Preference

Një opsion i ri “Always open list view” ofrohet në preferencat e editimit të bllokut. Për ta aksesuar, klikoni butonin Options në këndin e sipërm djathtas të edituesit dhe zgjidhni Preferencat.

Duke aktivizuar këtë opsion, List View do të shfaqet by default kur të hapni edituesin e bllokut.

Të dhënat e përditësuara të editorit

Tek Details Menu janë shtuar opsione të reja si: koha për të lexuar artikullin së bashku me numrin e fjalëve dhe karaktereve. Në këtë mënyrë, ju mund të vlerësoni më mirë se sa kohë do të duhet për të lexuar përmbajtjen.

Përditësimi i përmbajtjes së postimit

Seksioni Status & visibility tek postimet tani quhet Summary. Opsionet e permalink dhe te tempate janë tashmë tek ky seksion.

Përmirësimet e Temave

WordPress 6.1 sjell shumë përmirësime në personalizimin e temave, duke përfshirë panelin e përmirësuar të Global Styles dhe modelet fillestare të personalizuara.

Përmirësimet e Global Styles

Ka disa ndryshime në ndërfaqen e Global Styles.

E para është elementi i titujve që mund të konfiguroni në seksionet e tipografisë dhe ngjyrave. Në versionin e mëparshëm, titujt ndiqnin stilin global të tekstit, por në WordPress 6.1, ju mund t’i bëni titujt të përdorin tipografi dhe ngjyra të ndryshme në të gjithë faqen e internetit. Në këtë mënyrë nuk keni më nevojë të personalizoni blloqet e titullit individualisht.

Për elementin Buttons tashmë mund të bëni ndryshime si në tipografi dhe ngjyrë. Ngjashëm me elementin e titujve, tani mund të vendosni tipografi dhe ngjyra të ndryshme për tekstin dhe sfondin e butonit.

Përmirësim tjetër është ndërfaqja në Global Styles. Në versionin e mëparshëm, mund të ndryshonit vetëm opsionet e padding. WordPress 6.1 u përmirësua ndjeshëm në këtë duke shtuar kontrollet e gjerësisë së zonës së përmbajtjes dhe ndarjes së bllokut. Për Padding dhe Block Spacing është shtuar një slider për personalizime.

Filtri i Block Theme

Kur shkoni tek Appearance -> Themes -> Add New, mund të shihni filtrin e Bllokut të Temave.

Si të përditësoni WordPress në versionin 6.1

Përditësimi në WordPress 6.1 duhet të zgjasë vetëm disa minuta, dhe ka disa mënyra për ta bërë atë lehtësisht. Ne rekomandojmë krijimin e një kopje rezervë dhe testimin e versionit të ri përpara se të vazhdoni me përditësimin në faqen tuaj kryesore.

Në këtë mënyrë, do të jeni të sigurt që versioni i ri funksionon në mënyrë të përsosur me përmbajtjen, temat dhe shtojcat e faqes suaj të internetit.

Pasi të jeni gati për të vazhduar, zgjidhni një nga mënyrat e mëposhtme për të përditësuar WordPress:

• Tek paneli i WordPress – shkoni tek Dashboard -> Updates dhe klikoni Please update now.
  
• Përditësimi manual – shkarkoni skedarët WordPress 6.1 nga WordPress.org. Ekstraktoni skedarin .zip dhe fshini dosjen wp-content dhe skedarin wp-config-sample.php. Më pas, përdorni FTP për të mbishkruar skedarët dhe dosjet bazë të WordPress, duke përjashtuar dosjen wp-content dhe skedarin wp-config-sample.php.
  
• WordPress command-line interface (WP-CLI) – përdorni SSH për të hyrë në publike_html dhe ekzekutoni komandën e përditësimit wp core për të kryer përditësimin.

Konkluzioni

WordPress 6.1 shton më shumë përmirësime në edituesin e bllokut për të thjeshtuar rrjedhën e punës dhe për të bërë personalizime shtesë, si p.sh. stilet globale dhe veçoritë e kyçjes së bllokut. Versioni i ri vjen gjithashtu me një temë të re by default dhe më shumë opsione të disponueshme në skedarin theme.json.

Përditësoni faqen tuaj në WordPress 6.1 nëse nuk e keni bërë tashmë. Në këtë mënyrë, do të përfitoni nga veçoritë e reja dhe do të mbroheni nga problemet e mundshme të versioneve më parë. Mos harroni të bëni kopje rezervë të faqes tuaj dhe ta testoni paraprakisht versionin më të fundit.

The post WordPress 6.1: Çfarë ka të re në këtë version? appeared first on CloudyHost®.

Suksesi i një faqe në internet varet nga shumë faktorë. Një faktor i cili neglizhohet është mirëmbajtja e duhur e faqes.

Të gjitha faqet WordPress kërkojnë të paktën një lloj niveli për t’i mbajtur ato të sigurta dhe funksionale.

Për t’ju ndihmuar në këtë përpjekje ne kemi përgatitur një listë kontrolli të mirëmbajtjes WordPress që do t’ju udhëzojë dhe t’ju ndihmojë të siguroheni që faqja juaj e WordPress të përditësohet, të jetë e sigurt dhe të funksionojë mirë.

Pse duhet të mirëmbani faqen tuaj në WordPress

Faqja juaj WordPress është si një makinë. Nëse e trajtoni mirë, do të funksionojë për vitet që do të vijnë. Por nëse hiqni dorë nga mirëmbajtja, problemet mund të fillojnë të grumbullohen dhe, nëse i shtyni gjërat, faqja juaj e internetit mund të ndalojë së funksionuari.

WordPress po ndryshon vazhdimisht. Gjithmonë shton veçori të reja, rregullon gabime, rregullon çështje sigurie të zbuluara, etj. E njëjta gjë vlen për të gjitha shtojcat që po përdorni, dhe faqen në tërësi.

Vetë faqja juaj në internet po ndryshon gjithmonë. Ju mund të jeni duke publikuar përmbajtje të re, duke ndërruar modelin, duke shtuar veçori të reja dhe më shumë.

Nga të gjitha këto ndryshime së bashku, ekziston dhe një rrezik i madh që diçka apo edhe faqja të mos funksionojë.

Kjo tingëllon paksa shqetësuese, por nuk ka pse të jetë. Shumicën e kohës, të gjitha këto ndryshime shkojnë pa asnjë pengesë. Por për të shmangur situatat e rralla në të cilat diçka nuk shkon mirë dhe të qëndroni në krye të trendeve, është e rëndësishme ta mirëmbani.

Lista e Kontrollit të Mirëmbajtjes të WordPress

Detyrat javore të mirëmbajtjes të WordPress

1. Vizitoni faqen tuaj

Kjo duket e thjeshtë, por thjesht të vizitoni faqen dhe të klikoni në disa faqe kryesore është një mënyrë e mirë për të kapur ndonjë problem. Është e lehtë ta harrosh këtë dhe të kalosh gjithë kohën tënde në panelin e WordPress. Pra, një herë në javë, drejtohuni tek faqja juaj dhe shfletoni disa nga faqet kryesore për t’u siguruar që gjithçka po funksionon siç e prisni.

2. Komentet e moderuara

Nëse lejoni komente në faqen tuaj, do të duhet të kaloni ca kohë duke i moderuar ato për t’u siguruar që të miratoni komente të vërteta dhe të vlerësoni/fshini komentet e bezdisshme.

Për t’ju ndihmuar të kurseni kohë në moderimin e komenteve, mund të konsideroni përdorimin e një shtojce anti-spam si Akismet. Duhet të kontrolloni një herë në javë për të miratuar komentet dhe për të parë nëse Akismet ka shënuar një koment si të padëshiruar.

3. Bëni back up faqen tuaj

Të kesh një back up të fundit është thelbësore për të siguruar të dhënat e faqes tënde. Nëse hosti juaj nuk ka një back up, duhet të bëni vetë një back up.

Frekuenca optimale e back up të faqes suaj varet nga sa shpesh po bëni ndryshime dhe shtoni përmbajtje në bazën e të dhënave.

4. Bëni përditësimet (WordPress, shtojcat dhe temën)

Nëse dëshironi të siguroni faqen tuaj dhe ta mbani atë në funksion, duhet t’i bëni gjithmonë përditësimet. Çdo javë, duhet të kontrolloni për të parë nëse ka ndonjë përditësim për WordPress, shtojcat ose temat e WordPress.

Nëse ka përditësime, duhet t’i bëni ato menjëherë. Nëse jeni të shqetësuar për çështje të pajtueshmërisë, mund të provoni përditësimet në një site përpara se t’i aplikoni në faqen tuaj të internetit. Ose, mund ta vendosni faqen tuaj në modalitetin e mirëmbajtjes ndërsa aplikoni përditësime.

5. Testoni format dhe opsionet në faqe

Nëse keni forma ose opsione të ndryshme në faqe (si proçesi i blerjes), është e rëndësishme t’i provoni rregullisht. Ju mund të mos jeni kontaktuar gjatë 10 ditëve të fundit nga klientët vetëm pasi forma juaj nuk funksiononte.

Ju mund ta testoni 1 herë në javë apo muaji varet nga sa thelbësore janë format për biznesin tuaj. Për format ku çdo çështje nënkupton të ardhura të humbura ose klientë, është gjithmonë një ide e mirë të provoni çdo javë.

Për opsionet e tjera që keni në faqe, ju mund të konfiguroni një lloj sistemi të monitorimit të automatizuar. Për shembull, Pingdom ofron monitorimin e transaksionit për të testuar opsionet kryesore në një orar të caktuar të ditës.

6. Kontrolloni Google Search Console

Nëse Google dedekton ndonjë problem me SEO e faqes tuaj ose optimizimin, do të keni sinjalizime në Google Search Console. Për atë arsye, është e rëndësishme të kontrolloni shpesh për të parë nëse Google ka shënuar ndonjë problem për faqen tuaj.

Ju gjithashtu mund të shfletoni raportet e tjera për të parë ndonjë ndryshim dhe trend.

Detyrat mujore të mirëmbajtjes të WordPress

7. Testet e Performancës

Sa shpejt ngarkohet faqja juaj luan një rol kryesor në përvojën e përdoruesit dhe përqindjet e konvertimit dhe madje ka një efekt të vogël pozitiv në SEO.

Kur keni krijuar faqen tuaj, ju ndoshta e keni optimizuar për performancën. Sidoqoftë, kjo nuk do të thotë që faqja juaj do të qëndrojë e optimizuar, prandaj është e rëndësishme të vlerësoni në mënyrë periodike punën e faqes tuaj për të kapur ndonjë problem të mundshëm.

Një herë në muaj është një frekuencë e mirë për shumicën e faqeve të internetit, megjithëse mund të realizoni teste të performacës edhe një herë në javë.

8. Analizoni trafikun e faqes tuaj

Për të kuptuar se çfarë po ndodh në faqen tënde, duhet të përdorësh një lloj mjeti të analizave të faqes siç është Google Analytics.

Nëse marketingu dixhital është një pjesë serioze e strategjisë suaj, ju me siguri po kontrolloni analizat tuaja të internetit çdo ditë. Shumica e webmasterave nuk kanë nevojë ta kontrollojnë shpesh, por është e dobishme të kontrolloni një herë në muaj apo më shumë për të parë se çfarë po ndodh dhe të vëreni ndonjë trend.

Nëse SEO është një pjesë e rëndësishme e strategjisë tuaj, ju gjithashtu mund të monitoroni fjalët kyçe për të ndjekur renditjen e faqes në Google.

9. Bëni një skanim sigurie

Për shkak se WordPress është i popullarizuar, është një target për hackers. Për tu siguruar që faqja juaj të mos bëhet viktimë, është mirë të bëni skanime të rregullta të sigurisë për të kapur çështje të mundshme.

Me Imunify ofrohet opsioni automatik i skanimit.

10. Optimizoni bazën e të dhënave

Baza e të dhënave të faqes suaj është ajo që ruan të gjithë përmbajtjen tuaj, opsionet e temës, opsionet e shtojcave, etj. Me kalimin e kohës, ajo mund të ngarkohet përmes gjërave të tilla si rishikimet e postimeve, kalimet, komentet, etj.

Për atë arsye, është një ide e mirë që të rishikoni periodikisht bazën e të dhënave të faqes tuaj për të hequr të gjitha gjërat e panevojshme.

Ju mund ta bëni këtë duke përdorur disa shtojca të performancës përfshirë WP Rocket. Këto shtojca ju lejojnë të planifikoni optimizimin e bazës së të dhënave tuaja duke u ekzekutuar automatikisht.

11. Kontrolloni për broken links ose error 404

Broken Links ose Error 404 janë të tmerrshme për përvojën e përdoruesit në faqen tuaj, sepse u pengojnë vizitorëve të gjejnë atë që kërkojnë.

Broken Links ose Error 404 janë gjëra të ndara, ato shkojnë dorë për dore sepse një Broken Links çon drejtpërdrejt në një Error 404. Nëse nuk jeni njohur me atë që është një Error 404, ky error shfaqet kur një vizitor shkon në një URL që nuk ekziston.

Për të kontrolluar nqs faqja juaj ka Broken Links, mund të përdorni një shtojcë që i kontroll këto lidhje për ju.

Për të gjetur faqen që vizitorët u përpoqën të aksesonin që çuan në Error 404, mund të kërkoni diçka si “Nuk u gjetë” në Google Analytics dhe më pas klikoni në renditjen (shënuar me shigjetën në pamjen më poshtë) për të gjetur URL-të specifike që shkakton Error 404.

Përveç rregullimit të Error 404 të faqes, ju gjithashtu mund të përdorni Elementor për të krijuar një faqe të personalizuar 404 që mund të ndihmojë në udhëheqjen e vizitorëve për atë që kërkojnë.

12. Verifikoni backup-in e faqes tuaj

Një backup rezervë është i mirë vetëm nëse funksionon. Duhet të siguroheni që ato backup-s që ju keni funksionojnë.

Detyrat vjetore të mirëmbajtjes të WordPress

13. Merrni parasysh nëse keni nevojë për një Host të ri

Ndërsa faqja juaj rritet, ju mund të tejkaloni pritjen tuaj aktuale. Kjo kërkon përditësim në një plan të nivelit më të lartë apo dhe kalimin në një kompani tjetër hostimi.

Është një ide e mirë të kontrolloni një herë në vit apo më shumë për të parë nëse hosti juaj po plotëson nevojat tuaja kur bëhet fjalë për performancën, besueshmërinë dhe opsionet e tjera që ofron.

14. Ndryshoni fjalëkalimin tuaj WordPress

Ndryshoni fjalëkalimin në WordPress të paktën një herë në vit që ta mbani faqen më të sigurtë.

Gjithashtu përdorni opsione të ndryshme për të bllokuar hyrjen në WordPress nqs ka shumë tentativa me fjalëkalim të gabuar.

15. Auditoni përmbajtjen tuaj

Një audit i përmbajtjes është një mënyrë e shkëlqyeshme për të përmirësuar SEO e faqes tuaj dhe përvojën e përdoruesit.

Në thelb, qëllimet tuaja me një kontroll të përmbajtjes janë:

Përditësoni dhe përmirësoni përmbajtjen tuaj me performancë të lartë për ta ndihmuar atë të mbajë renditjen e saj ose të performojë edhe më mirë.

Hiqni përmbajtjen joefektive dhe bashkojeni përmbajtjen e saj me një përmbajtje tjetër ose ridrejtojeni atë në një tjetër përmbajtje.

Gjithashtu do t’ju ndihmojë të kuptoni se cila përmbajtje funksionon më mirë për faqen tuaj në mënyrë që të mund të përqëndroni strategjinë tuaj.

16. Auditoni shtojcat tuaja

Çdo shtojcë që shtoni në faqen tuaj është cënueshmëri e sigurisë dhe e performancës së faqes. Kjo nuk do të thotë që nuk duhet të përdorni shtojca, por duhet të keni kujdes që të siguroheni që përdorni vetëm shtojca thelbësore.

Për këtë arsye, është një ide e mirë të kontrolloni një herë në vit nëse faqja juaj po përfiton nga secila shtojcë që po përdorni. Nëse faqja juaj nuk po përfiton aq shumë sa keni menduar, merrni parasysh çaktivizimin dhe fshirjen e shtojcës.

Mbani faqen tuaj të Mirëmbajtur dhe Eliminoni çdo problem

Mund të dëshironi të rregulloni frekuencën për faqen tuaj të internetit. Për shembull, nëse format e faqes tuaj nuk luajnë një rol kryesor në biznesin tuaj, ju nuk keni nevojë t’i kontrolloni ato çdo javë.

Ne u përpoqëm të gjenim një frekuencë që do të jetë optimale për shumicën e faqeve, kështu që kjo listë kontrolluese është një referencë për të filluar të ndërtoni plane të mirëmbajtjes.

Sidoqoftë, sapo të hyni në rrjedhë, detyrat tuaja duhet të marrin vetëm disa minuta në javë, me ca kohë shtesë çdo muaj ose vit për të kryer disa detyra të tjera.

The post Mirëmbajtja e faqes WordPress: Një listë me 16 hapa appeared first on CloudyHost®.

Ndonjëherë problemet mund të lindin edhe kur instaloni një çertifikatë SSL që mund të parandalojë krijimin e lidhjeve të sigurta. Një nga këto çështje është përmbajtja e pasigurtë.

Lidhjet HTTP vs HTTPS

Për të shpjeguar përmbajtjen e pasigurtë, së pari do të duhet të kuptoni ndryshimin midis lidhjeve HTTP dhe HTTPS. Ju ndoshta keni parë që të dy shfaqen në shiritin e adresave të shfletuesit të internetit si parashtesë e faqes që po vizitonit. HTTP është Protokolli i Transferimit të Hypertext dhe lejon transferimin e të dhënave përmes internetit midis një serveri dhe një klienti, siç është një shfletues webi. HTTPS – Hypertext Transfer Protocol Secure është e njëjtë, përveç me një ndryshim – transferimi i të dhënave është i koduar, që do të thotë se asnjë palë e tretë nuk mund të ketë qasje në informacionin e dërguar përmes kësaj lidhjeje.

Kur një website ka një çertifikatë SSL, faqet e saj të internetit do të ngarkohen përmes protokollit HTTPS. Kur një faqe ka përmbajtje të pasigurtë, faqja juaj ka të ngjarë të ngarkohet përmes HTTP dhe përdoruesit do t’i shfaqet një mesazh, “kjo faqe përmban artikuj të sigurtë dhe jo të sigurtë”.

Në momentin që ju shfaqet një mesazh i tillë pasi keni tentuar për të instaluar një SSL është padyshim zhgënjyese. A nuk duhej që çertifikata SSL të bënte gjithçka të sigurtë?

Çertifikatat SSL nuk janë një zgjidhje e shpejtë për të gjitha nevojat e sigurisë së faqes. Nëse faqja juaj ka probleme, nuk do ta tejkalojë atë. Përmbajtja e pasigurtë ndodh për shkak të një problemi me kodimin e faqes dhe nuk ka të bëjë me një SSL.

Çfarë është përmbajtja e pasigurtë?

Kur flasim për përmbajtjen e faqes, do të flasim për gjithçka që përbën, nga CSS, Javascript dhe HTML e deri tek imazhet dhe videot. Para se të ngarkohet një faqe në shfletuesin tuaj, ajo dërgon një mesazh tek serveri, duke kërkuar përmbajtjen që ka në faqe. Shumica e faqeve në internet përbëhen nga një kombinim i përmbajtjes, dhe secili burim shkarkohet përmes kërkesave të veçanta. Pasi të jetë shkarkuar përmbajtja, faqja shfaqet në shfletuesin tuaj.

Përmbajtja e pasigurtë ndodh kur një pjesë e përmbajtjes ngarkohet përmes HTTP. Kur faqja juaj në internet ka përmbajtje të sigurtë dhe të pasigurtë, kjo njihet si përmbajtje e përzier. Kjo ndodh në momentin që një pjesë e përmbajtjes së faqes tuaj është hostuar në një faqe që nuk përmban SSL, kështu që ato po ngarkohen përmes një lidhjeje që nuk është e enkriptuar. Kjo ndodh gjithashtu edhe kur përmbajtja është në një site me një SSL të skaduar ose të pavlefshme.

Pse përmbajtja e pasigurtë është problem?

Nëse ndonjë nga përmbajtjet ngarkohen përmes një lidhje HTTP, atëherë e gjithë faqja do të ngarkohet përmes HTTP edhe nëse keni një SSL. Çertifikatat SSL shtojnë sigurinë e lidhjes midis përmbajtjes në serverin tuaj dhe shfletuesit të një përdoruesi, dhe jo përmbajtjes të hostuar diku tjetër.

Faqet me përmbajtje të përzier mund të lërë përdoruesit e saj të ndjeshëm ndaj sulmeve nga hackers, ku mund të ndërpritet dhe modifikohet lidhja midis një shfletuesi dhe serverit.

Përtej kësaj, përmbajtja e përzier mund të ndikojë në trafikun e faqes në internet dhe në përdorimin e faqes. Përdoruesve ju shfaqet një mesazh që i paralajmëron që faqja nuk është e sigurtë dhe në këtë mënyrë mund të zgjedhin të mos vazhdojnë më.

Shumë shfletues kanë filluar të bllokojnë tërësisht përmbajtjen e pasigurtë. Në një përditësim të janarit 2021, Google Chrome filloi të bllokonte shkarkimet HTTP të imazheve, dokumenteve dhe PDF nga faqet HTTPS.

Rregullimi i përmbajtjes së pasigurtë në faqen tuaj

Nëse zbuloni se faqja juaj ka përmbajtje të pasigurtë dhe nuk keni ide se ku të filloni me rregullimin e saj, mos e humbni shpresën. Ka shumë burime që mund t’ju ndihmojnë:

• Why No Padlock? – Shkruani URL e faqes tuaj dhe do të gjej çdo artikull të pasigurtë në faqe.
• HTTPS Checker – Kjo do të kontrollojë çdo përmbajtje HTTP në faqen tuaj.

Tani që e dini se cila është përmbajtja e pasigurtë, keni disa mundësi për ta rregulluar atë:

• Instaloni SSL: WordPress plugin do të gjejë dhe zgjidhë çështjet më të pasigurta të përmbajtjes për ju.
• Fshini plotësisht materialet e përmbajtjes së pasigurtë nga faqja juaj.
• Nëse lejohet, ringarkoni materialin direkt në faqen tuaj.
• Lidhni përmbajtjen me një faqe më të sigurtë.

Përfundimi

Përballja me çështjen e përmbajtjes së pasigurtë në faqen tuaj mund të jetë një shqetësim. Për fat të mirë, gjetja dhe rregullimi i tij është shumë i lehtë falë mjeteve falas në dispozicionin tuaj. Nëse zbuloni se faqja juaj është e pasigurtë, rregullojeni që ta bëni të sigurtë sa më shpejt, për hir të faqes suaj dhe sigurisë së përdoruesit.

The post Si të rregullojmë përmbajtjen e pasigurtë në faqe appeared first on CloudyHost®.