Është thelbësore të dini që: Edhe me një prezencë në rrjetet sociale dhe një faqe interneti që funksionon mirë, dyqani juaj online ende ka nevojë për një blog.

Pse? Blogimi i rregullt dhe me cilësi mund të përmirësojë biznesin tuaj në shumë mënyra.

1- Postimet në blog mund të përmirësojnë SEO-n e dyqanit tuaj.

Në vitet e fundit, ka pasur një rritje të dukshme të bizneseve që po kalojnë drejt tregtisë elektronike (eCommerce). Shumë dyqane lokale fizike, rishitës, madje edhe prodhuesit që tradicionalisht shërbenin për biznese të tjera kanë pranuar tregtinë elektronike për t’u lidhur me klientët në shtëpitë e tyre dhe për të fituar shitjet e humbura për shkak të kufizimeve që klientët të shkonin në dyqan.

Ka shumë më tepër dyqane eCommerce me të cilat duhet të konkuroni për dukshmëri në rezultatet e kërkimit. Kjo do të thotë se ju duhet të përmirësoni SEO-n.

Postimet e rregullta krijonë përmbajtje të re për faqen tuaj që mund të përmirësojë renditjen në rezultatet e kërkimit. Po ashtu mund ta bëjnë këtë edhe postimet që përfshijnë llojet e fjalëve kyçe që klientët tuaj kërkojnë, qoftë kjo “orë për stërvitje,” “ushqim organik për hamstera” apo diçka tjetër.

2- Postimet me udhëzime mund të tërheqin klientë të rinj dhe besnikë në dyqanin tuaj.

Pavarësisht produktit tuaj, klientët mund të kërkojnë këshilla për përdorimin e tij. Kjo vlen për artikuj që variojnë nga produktet e kujdesit të lëkurës, pajisjet sportive, deri te materialet për shtëpinë. Pra, jepi atyre klientëve atë që ata kërkojnë dhe bëj postimet të dobishme me tutoriale sa njerëzit do t’i ruajnë në bookmarks dhe do të kthehen përsëri për të mësuar më shumë.

Për shembull, Lowes ofron një përmbajtje të gjërë me udhëzime të ndryshme. Ky është lloji i përmbajtjes që dikush mund ta ruajë dhe të kthehet tek ajo ndërsa kryen instalimet për paisjet e ndryshme në shtëpi.

3- Një blog me cilësi mund të rrisë abonuesit për eCommerce.

Ndoshta tashmë e dini që lista juaj e email-eve është themeli për një marketing efikas. Nëse blogu juaj ofron përmbajtje që klientët tuaj e pëlqejnë dhe mund ta përdorin, ai mund t’ju ndihmojë të zgjeroni listën tuaj të email-eve.

Nuk keni nevojë të përdorni një pop-up për t’i bërë njerëzit të abonohen. Marka e bukurisë Orly ndjek një metodë më të thjeshtë që përdoruesit të abonohen. Në fund të çdo artikulli bën një thirrje për t’u regjistruar.

4- Postimet mbi stilet e jetesës mund të tërheqin klientë besnikë.

Ndërtimi i një komuniteti rreth markës suaj është një hap i avancuar në marketing, dhe zakonisht fillon me një blog. Vini re se shitësi i pajisjeve për aktivitete në natyrë, REI, nuk thekson produktet e tij në postimet e fundit.

Në vend të kësaj, këto postime në blog trajtojnë tema që klientët e vlerësojnë, si ruajtja e natyrës dhe destinacionet e egra.

Për të krijuar një blog që ndihmon të lidhni markën tuaj me mënyrën e jetesës së klientëve, ju duhet të njihni mirë klientët tuaj. Mund të filloni me një kategori të vetme në blogun e dyqanit tuaj të dedikuar stilit të jetesës. Nëse rezultatet janë të mira, mund të shtoni gradualisht më shumë.

5- Blogu juaj mund të rrisë shitjet duke ofruar udhëzues për blerje.

Edhe nëse klientët tuaj nuk janë të lidhur me një stil të caktuar jetese, të gjithë duan të marrin produktet e duhura—pavarësisht llojit të produktit. Kjo është arsyeja pse udhëzuesit e blerjeve janë përmbajtje aq popullore në blogjet e faqeve eCommerce.

Mund të krijoni udhëzues për blerje specifike apo të përgjithshme. Më poshtë gjeni një shembull se si Chewy ka krijuar udhëzuesin e tij për blerjen e dhuratave për qentë.

6- Përdorni postimet e blogut për të rritur vizitat në faqen tuaj.

Postimet tuaja në blog do të marrin më shumë vizita nëse përfshijnë imazhe të mira dhe origjinale. Këto imazhe mund të ndihmojnë që postimet tuaja të shpërndahen më shpesh në rrjetet sociale, që të gjeni klientë të rinj dhe të drejtoni vizitorë të rinj drejt blogut të dyqanit tuaj.

Ja një shembull: pjesërisht udhëzues për dhuratat, pjesërisht postim mbi stilin e jetesës, ky postim i Etsy me temë festive dhe me produkte të zgjedhura nga Nicole Richie që ka kredencialet e një influenceri ka shumë foto të mira të produkteve që shpërndahen në rrjetet sociale.

Edhe pa një buxhet të madh për marketing, mund të përdorni telefonin tuaj dhe disa këshilla ekspertësh mbi marrjen e fotove të produkteve për të prodhuar imazhe për blogun që lexuesit tuaj do të dëshirojnë të ndajnë.

7- Blogu juaj mund t’ju ndihmojë të gjeni punonjësit e ardhshëm

Nëse dyqani juaj është në rritje, mund të jeni duke kërkuar punonjës të rinj. Postimi i vendeve të lira të punës në blogun tuaj është një mënyrë për t’i njoftuar klientët tuaj, por ajo që është edhe më efektive është krijimi i një kategorie blogu që ju tregon vizitorëve si është kompania juaj, kush punon atje dhe pse u pëlqen. PetSmart bën këtë me një blog të tërë të përqendruar në përvojën e punonjësve të tyre, me profile të punonjësve dhe artikuj mbi projektet e shërbimit komunitar që dyqanet e tyre organizojnë dhe sponsorizojnë.

eCommerce duhet të ketë me patjetër një Blog.

Për ta përmbledhur, ja pse dyqani juaj online duhet të ketë një blog: përmirësim i renditjes në motorët e kërkimit, rritje e trafikut të faqes, zgjerim i abonuesve të email-it, rritje e besnikërisë së klientit, rritje e shitjeve, një shtrirje më e gjerë në rrjetet sociale dhe një kanal efektiv për të tërhequr kandidatët idealë për punë në biznesin tuaj.

Gati për të filluar blogun e faqes tuaj eCommerce? Kontrolloni paketat tona hosting për WordPress.

The post 7 Arsye Esenciale Pse Çdo Dyqan Online Duhet të Ketë Një Blog appeared first on CloudyHost®.

Në këtë artikull, ne do t’ju tregojmë se si të zgjidhni platformën e duhur për blogun, të emërtoni blogun, të zgjidhni një paketë host, të ndërtoni faqen si dhe të publikoni postimin tuaj të parë.

Çfarë është një blog?

Një blog është një faqe interneti që fokusohet kryesisht në përmbajtjen që ju shkruani. Secila prej këtyre përmbajtjeve njihet si postime në blog.

Ka tematika të ndryshme për bloge, duke filluar nga bloget personale tek bloget e biznesit.

Shumë biznese janë të suksesshme në internet nga blogu cilësorë. Blogimi ka avantazhin që ju lejon të krijoni një lexues të synuar, të cilit më pas mund t’i shisni produkte, shërbime ose kurse. Me përmbajtjen dhe paketën e duhur të hostimit , ju keni potencialin për ta kthyer një blog në një markë në internet.

Pse duhet të filloni një blog?

Ka shumë arsye për të hapur një blog si: po kërkoni të gjeneroni trafik për faqen tuaj ekzistuese, të ndani perspektivën tuaj me botën, të markoni veten si ekspert, të fitoni mjaft ndjekës për të fituar para nga blogu juaj nëpërmjet reklamave ose affiliate etj.

Për të filluar një blog të suksesshëm, nuk keni nevojë të keni aftësi shkrimi të nivelit Faulkner. Dhe në fakt, stili i të shkruarit i Faulkner nuk do të ishte i përshtatshëm për të bërë blogje, ku sa më thjeshtë të shkruani, aq më mirë. Njerëzit nuk u drejtohen blogjeve për të lexuar përmbajtje si në tekstet shkollore ose shkrime të shkëlqyera letrare. Në vend të kësaj, ata duan informacion praktik që bazohet në përvojën e jetës reale.

Si të filloni një blog

Menaxhimi i një blogu do të marrë shumë kohë dhe punë, por fillimi i një blogu është relativisht i lehtë. Ju mund të filloni blogun tuaj të ri duke ndjekur këto nëntë hapa.

1- Zgjidhni fushën ku do të fokusoheni për shkrimet tuaja.
2- Zgjidhni emrin e blogut.
3- Krijoni një kalendar për postimet.
4- Zgjidhni platformën tuaj të blogimit.
5- Zgjidhni paketën host.
6- Ndërtoni faqen.
7- Filloni të shkruani.
8- Publikoni postimin tuaj të parë.
9- Promovoni blogun tuaj.

1- Zgjidhni fushën ku do të fokusoheni për shkrimet tuaja

Para se ju të zgjidhni emrin e blogut, ju duhet të vendosni për fushën për të cilën do të bëni shkrimet tuaja si dhe per audiencën që do i drejtoheni.

Nqs ju doni të krijoni një blog që promovon biznesin tuaj, dhe shkrimet duhet të kenë lidhje me biznesin tuaj. Pra nqs keni një dyqan për kafshë dhe blogu duhet të jetë për kafshë, nuk mund të jetë për futbollin.

Nqs doni të krijoni një brand personal, mendoni se çfarë ju intereson dhe cilat janë qëllimet tuaja. Doni të keni një blog për të gjetur klient apo për të gjetur punë? Nqs po, atëherë sigurohuni që ju bëni postime që kanë lidhje me bizneset apo personat që ju doni të punoni.

Ndërkohë, nqs ju thjesht doni të krijoni një blog pasi doni të ndani mendimin tuaj për diçka që ju e keni pasion, mundohuni të gjeni një temë më specifike. Psh, blogs për ushqimet ka shumë, por blogs për ushqime që bëjnë alergji tek fëmijët dhe se si t’i përdorim, janë më të pakta. Është një audiencë specifike që do kërkonte për këto tema.

Edhe nqs ju jeni ekspert në atë çfarë ju do të shkruani, nuk do të thotë që keni njohuri se si të bëni një blog të suksesshëm. Merrni kohën që ju duhet për të studiuar konkurencën, për të parë se çfarë i bën ata të suksesshëm.

Studioni mënyrën e shkrimit, formatin, nqs përdorin video, imazhe apo infographics në blogun e tyre.

Pasi i keni studiuar, shikoni se çfarë mund të ofroni më shumë, diçka që nuk e ofrojnë blogjet e tjera.

2- Zgjidhni emrin e blogut

Emri i blogut tuaj duhet të ketë lidhje me temat për të cilat ju do të shkruani. Më e mira do të ishte një emër përshkrues dhe që mbahet mend lehtë, në mënyrë që audienca të kuptoj direkt se për çfarë është blogu.

Këtu mund të keni pak vështirësi duke qënë se emrat që mund t’ju vijnë në mendje mund të jenë të zëna. Përpiquni të bëni kombinime të ndryshme si dhe të gjeni sinonime. Psh nqs do krijoni një blog për udhëtime mund të gjeni dhe fjalë të tjera përveçse “travel”, mund të përdorni: “voyage”, “wanderlust”, “touring”, “flying” etj.

Që të jetë më e lehtë që të gjendet, do të ishte mirë që dhe emri i blogut dhe emri i domain-it të jenë të njejtë.

Vazhdoni të kërkoni për emrin e domainit tuaj për të parë nqs është i disponueshëm. Gjatë kërkimit ju sugjerohen dhe opsione të tjera që janë të disponueshëm. Ju mund të përdorni prapashtesa të ndryshme si: .al, .com, .net etj.

CloudyHost.com i ofron të gjitha prapashtesat. Sapo të gjeni emrin që ju dëshironi, bëni menjëherë regjistrimin.

3- Krijoni një kalendar për postimet

Tani që ju keni zgjedhur fushën për të cilën do të shkruani, dhe emrin e blogut, duhet të zgjidhni temat.

Ndani disa postime që ju i mendoni më të rëndësishme, dhe që ju keni njohuri.

Zgjidhni temat që do të shkruani si dhe mënyrën se si do të organizoni faqen, në mënyrë që audienca të ketë më të thjeshtë navigimin.

Nqs ju do të bëni një blog për mënyrën e jetesës, do të keni si tema kryesore: udhëtimin, fashion dhe planifikimin për party. Nqs keni një blog për peshkim, do të keni si tema kryesore: peshkimin në thellësi të detit, peshkimi në breg si dhe vlerësimet për paisjet e peshkimit.

Tani që ju keni vendosur për temat kryesore të blogut, krijoni kalendarin për postimet.

Me anë të kalendarit të postimeve ju vendosni temat si dhe orarin e postimit. Në këtë mënyrë ju do të postoni rregullisht.

Ndiqni këto 4 hapa për të krijuar kalendarin e postimeve:

1- Pasi keni zgjedhur temat kryesore, bëni një “brainstorming” për artikujt që do të bëni për çdo temë.

2- Bëni një listë me ditët festive .Nqs ju keni një dyqan online, doni të përfshini në blogun tuaj edhe ditë si Black Friday etj.

3- Kërkoni kalendarët e postimeve të revistave për frymëzim.

4- Zgjidhni një ditë dhe orarin për postimet që ju keni zgjedhur.

Kjo do t’ju ndihmoj pasi ju gjithmonë do e dini se për çfarë do të shkruani si dhe kur do të shkruani.

4- Zgjidhni platformën tuaj të blogimit

Për fat të mirë, për të filluar një blog nuk duhet të dini programim. Ka disa opsione që mund të zgjidhni që do t’ju lejojnë të dizenjoni blogun tuaj dhe të publikoni postime pa pasur nevojë të mësoni një gjuhë programimi.

Zgjedhja më e njohur për blogerët është WordPress. Blogu ynë këtu në CloudyHost është një blog WordPress. WordPress është një sistem i menaxhimit të përmbajtjes që ju lejon të ndërtoni blogun dhe të menaxhoni përmbajtjen tuaj. WordPress është popullor sepse:

• Është falas.
• Është relativisht i lehtë për t’u përdorur.
• Mund të zgjidhni ndërmjet shumë temave, që e bën më të lehtë ndërtimin e faqes tuaj të internetit.
• Ka mijëra shtojca, të cilat zgjerojnë funksionalitetin e WordPress.
• Ka shumë burime për t’ju ndihmuar se si të përdorni WordPress.

WordPress kërkon pak njohuri për të bërë dizajnin ashtu sic ju e doni si dhe për të përdorur dhe zgjedhur temat dhe shtojcat e sakta. Por është projektuar posaçërisht për blogim, kështu që pasi të keni vendosur dizajnin tuaj kryesor të blogut, shtimi dhe redaktimi i postimeve të reja është i lehtë.

Nëse dëshironi një opsion edhe më të lehtë, CloudyHost ofron një Website Builder, që është krijuar për fillestarët.

5- Zgjidhni paketën host

Pasi keni zgjedhur platformën tuaj të blogimit, duhet të zgjidhni hapësirën ku do të ruani blogun tuaj.
CloudyHost ofron paketa specifike për WordPress. Në bazë të faqes tuaj ju mund të zgjidhni se cila paketë ju përshtatet më mirë. Gjithashtu ju keni mundësinë të kaloni në një paketë tjetër në çdo moment që ju dëshironi.

6- Ndërtoni faqen

Pasi keni konfiguruar domain me hostin është momenti që të filloni të krijoni faqen tuaj. Ndërtimi i një blogu është i ngjashëm me krijimin e çdo lloj faqe tjetër, përveçse do t’ju duhet të siguroheni që platforma që keni zgjedhur të ketë funksionalitetin e blogimit.

7- Filloni të shkruani

Ju duhet të keni disa përmbajtje përpara se të filloni të promovoni blogun tuaj. Një blog me vetëm një artikull nuk do t’u japë njerëzve një ide rreth blogut apo një arsye se pse të kthehen. Nëse keni një numër postimesh interesante të publikuara në faqen tuaj, vizitorët kanë më shumë mundësi t’i lexojnë si dhe të kthehen më vonë për më shumë informacion.

Referojuni kalendarit tuaj dhe filloni me planifikimin që keni bërë:

Një artikull i shkëlqyer në blog duhet të përfshij:

• Një titull tërheqës.

• Imazhe ilustruese.

• Informacione të dobishme.

Ju duhet të strukturoni informacionin në një format të lehtë për t’u lexuar, që do të thotë ta ndani atë me tituj dhe nëntituj si dhe në paragraf.

Çdo blog që ka një qëllim të qartë, psh: si të ndihmojë në promovimin e një biznesi ose rritja e ndjekësve për të fituar para, duhet të marrë në konsideratë dhe veprimin që ju doni që ndjekësit tuaj të bëjnë. Disa shembuj të CTA-ve që mund të konsideroni janë regjistrimi i email-it, të shikohet një produkt i caktuar etj.

Sigurohuni që gjithmonë të korrigjoni postimet tuaja në blog përpara se t’i publikoni. Gabimet në shkrim ose fjalitë që nuk kanë shumë kuptim mund t’i largojnë lexuesit.

8- Publikoni postimin tuaj të parë

Shkrimi i postimeve është pjesa e vështirë. Publikimi i tyre është shumë i lehtë.

Tek WordPress, zgjidhni Postime > Shtoni të Rinj nga menyja në të majtë.

Kjo do të shfaqë redaktuesin e postimeve ku mund të vendosni titullin, përmbajtjen e postimit dhe çdo media që dëshironi të përfshini. Pasi të keni vendosur përmbajtjen, keni disa hapa shtesë që mund të ndërmerrni përpara se të shtypni butonin “Publiko”:

• Shtoni etiketat përkatëse në postimin tuaj dhe zgjidhni kategoritë përkatëse për të.

• Zgjidhni imazhin.

• Shtoni një përshkrim meta, i cili është një përshkrim i shkurtër për postimit tuaj që synon të shfaqet në motorët e kërkimit.

Klikoni butonin Preview në këndin e sipërm djathtas të ekranit për të parë se si do të duket postimi juaj pasi të jetë publikuar. Kontrolloni postimin për të parë që gjithçka është në rregull. Pastaj klikoni “Publikoni” dhe postimi juaj do të jetë online për të gjithë.

9- Promovoni blogun tuaj

Nqs ju dëshironi që postimet tuaja të lexohen nga njerëzit duhet të punoni për këtë pjesë.

Ekziston një listë e gjatë taktikash që mund të provoni për të gjetur mënyrën e duhur që funksionon për ju dhe audiencën tuaj. Disa opsione janë:

SEO – SEO bën të mundur që faqja juaj të shfaqet më lart në motorët e kërkimit për termat përkatëse. SEO nuk është i lehtë, por me strategjinë e duhur, ju mund të rrisni dukshmërinë dhe të nxisni trafikun në faqen tuaj.

Mediat sociale – Promovimi i postimeve tuaja në mediat sociale është një mënyrë e mirë për t’i nxjerrë postimet tuaja para njerëzve që janë të interesuar për atë që ju postoni.

Marketingu me email – Inkurajoni vizitorët që pëlqejnë postimet tuaja të regjistrohen në listën tuaj të emailit dhe sigurohuni që ata të njoftohen sa herë që ju keni postuar.

Reklamimi PPC – Shfaqja në motorët e kërkimit është një nga mënyrat më të mira për t’u gjetur, por është e vështirë për bloget e reja. Ju mund të shfaqeni më shpejtë në motorët e kërkimit nëse investoni në reklamat PPC.

The post Si të filloni një blog në 2022 appeared first on CloudyHost®.

Pavarësisht se çfarë lloj faqe keni, mund të gjeni një metodë që i përshtatet më së miri markës tuaj në mënyrë që të maksimizoni potencialin tuaj të të ardhurave.

Në këtë postim, ne do të flasim pse reklamat ose produktet mund të mos jenë burimi më i mirë i të ardhurave për faqen tuaj.

Pastaj do të flasim për mënyrën se si mund të fitoni para në faqen tuaj në internet pa këto. Le të vazhdojmë!

Disavantazhet e mbështetjes në reklama dhe produkte për të fituar para në faqen tuaj

Nuk mund të mohohet se është e mundur të fitoni para në faqen tuaj në internet duke përdorur reklama dhe produkte. Shumë dyqane të suksesshme në internet, blogje dhe faqe të tjera e kanë vërtetuar këtë. Sidoqoftë, ato nuk janë burimet më të mira të të ardhurave për çdo faqe në internet.

Reklamat mund të tërheqin vëmendjen nga përmbajtja dhe të largojnë përdoruesit nga faqja juaj, duke dëmtuar potencialisht vizitorët që mund të konvertohen.

Produktet ndërkohë paraqesin një sërë sfidash të ndryshme. Si fillim duhet të investoni në krijimin e produktit tuaj para se të mund të fitoni para nga ai.

Për më tepër, mund të mos keni para për të filluar, veçanërisht nëse faqja juaj është shumë e re. Supozohet se ju tashmë keni një ide unike për një produkt që përdoruesit tuaj në të vërtetë do të duan të blejnë. Procesi i shitjes së produkteve është një proces i gjatë dhe potencialisht i kushtueshëm.

Pesë mënyra për të fituar para nga faqja juaj e internetit (pa reklama ose produkte)

Nëse nuk keni para për të filluar një linjë produktesh dhe nuk doni të rrezikoheni nga ndikimet negative që mund të sjellin reklamat tuaja tek vizitorët që konvertohen, ka ende mënyra për të fituar para në internet. Çelësi është gjetja e atij që i përshtatet më së miri faqes dhe përdoruesve tuaj.

1- Realizoni evente dhe vendosni një çmim për pjesëmarrësit

Komunitetet online janë pa dyshim të vlefshme. Sidoqoftë, ka diçka në lidhje me eventet që tërheq shumë njerëz. Mbajtja e ngjarjeve personale në lidhje me faqen tuaj dhe tarifimi i njerëzve për pranimin mund të ndihmojë në sjelljen e disa të ardhurave.

Se sa e gjerë duhet të jetë ngjarja juaj do të varet nga sa njerëz mendoni se do të marrin pjesë. Mund të jetë një konferencë e madhe ose e vogël. Sido që të jetë, është e rëndësishme të merrni parasysh sa njerëzit do të jenë të gatshëm të paguajnë për të hyrë.

Ju gjithashtu do të duhet të llogarisni koston e një vendi, ushqimin dhe çdo nevojë tjetër. Nëse nuk mendoni se do të jeni në gjendje të mbuloni shpenzimet e ngjarjes dhe të fitoni, kjo metodë mund të mos jetë për ju.

Në mënyrë tipike, organizimi i një ngjarjeje personale do të funksionojë më mirë nëse tashmë keni një komunitet të madh online. Njerëzit që janë vërtet të përkushtuar ndaj faqes tuaj kanë më shumë gjasa të bëjnë një përpjekje për të marrë pjesë si dhe të jenë të gatshëm të paguajnë për të.

Merrni për shembull WordCamps. Megjithëse këto ngjarje nuk janë fitimprurëse, numri i njerëzve të përfshirë tregon sa i angazhuar është komuniteti WordPress dhe dëshirën e tyre për të bashkëvepruar ballë për ballë dhe jo vetëm përmes një ekrani.

2- Blini dhe shisni faqe interneti

Nëse keni aftësi të projektimit dhe zhvillimit, mund të futeni në biznesin e ‘flipping’ të faqeve të internetit. Procesi përfshin blerjen e faqeve, përmirësimin, pastaj shitjen e tyre përsëri për fitim.

Ndërsa mund të duket e çuditshme të shesësh diçka për të cilën ke bërë kaq shumë përpjekje, një faqe me një numër mjaft të madh ndjekësish mund të shitet për mijëra dollarë. Nëse faqja juaj ka një numër të konsiderueshëm të përdoruesve të rregullt dhe ju nuk doni ta mirëmbani atë, shitja për të fituar të ardhura është një opsion i mirë.

Tregjet online të tilla si Website Broker and Flippa janë vende të njohura për të gjetur faqe të lira për të blerë dhe përmirësuar, pastaj për të shitur përsëri më vonë.

Kjo metodë është më e lehtë nëse keni disa aftësi të projektimit dhe zhvillimit tashmë. Nëse jeni një zhvillues profesionist që kërkoni të zgjeroni portofolin tuaj dhe të ardhurat tuaja, flipping website mund të jenë një mënyrë efikase për ta bërë këtë.

3- Pranoni donacione nga përdoruesit

Pranimi i donacioneve nga përdoruesit mund të jetë një mënyrë e thjeshtë për të sjellë paratë e nevojshme për të drejtuar faqen tuaj. Nëse po publikoni përmbajtje cilësore, mund të habiteni nga numri i njerëzve që dëshirojnë të bëhen pjesë dhe t’ju ndihmojnë të mbani faqen tuaj në internet.

Kjo metodë funksionon më mirë për faqet që lidhen me bamirësitë. Ka shumë blogje që funksionojnë me donacione, është më e lehtë të bindësh përdoruesit të sigurojnë fonde kur faqja juaj përputhet me vlerat e tyre.

Merrni për shembull Humane Society of the United States. Ata kanë butona të shumtë për veprim (CTA) në faqen e tyre duke ftuar përdoruesit të dhurojnë dhe i shoqërojnë me imazhe të kafshëve me cilësi të lartë për të tërhequr vëmendjen e përdoruesve.

Nëse drejtoni një organizatë jofitimprurëse, shtimi i mundësive të dhurimit në faqen tuaj është një domosdoshmëri. Mund të siguroni përmbajtje falas në blogun tuaj, edhe pse mund të mos jetë i rregullt sërisht mund tiu sjellë para nga lexuesit mirënjohës.

4- Krijoni përmbajtje ekskluzive për anëtarët që paguajnë

Krijimi i përmbajtjes së paguar mund të jetë një nga mënyrat më të thjeshta për të fituar para në faqen tuaj të internetit. Shpesh, nuk keni nevojë të bëni shumë punë shtesë. Ju thjesht vazhdoni të krijoni postime në blog, të jepni kurse online ose çfarëdo përmbajtje në të cilën jeni specializuar dhe vendosni një çmim për të hyrë në disa prej tyre.

E vetmja pjesë e ndërlikuar është krijimi i ekuilibrit të duhur midis përmbajtjes falas dhe me pagesë. Ofrimi i shumë përmbajtjeve falas mund t’i bëjë përdoruesit të ndiejnë se nuk kanë nevojë për përmbajtjen për të cilën ngarkoni. Nga ana tjetër, tarifimi për shumë përmbajtje mund t’i largojë vizitorët.

Për këtë arsye, përmbajtja e paguar ose anëtarësimet funksionojnë më mirë për faqet që tashmë kanë ndjekës të vendosur. Nëse përdoruesit tuaj tashmë e dinë që përmbajtja juaj ia vlen të paguhet, ata kanë më shumë gjasa të jenë të gatshëm ta bëjnë këtë.

Për më tepër, faqet arsimore që ofrojnë kurse online ose webinare shpesh mund ta përdorin këtë metodë në mënyrë efektive. Ju mund të ofroni kurse hyrëse falas, pastaj të paguani për kurse të ndërmjetme dhe të avancuara. Codecademy është një shembull i suksesshëm.

Ata ofrojnë shumë kurse falas, duke ditur që studentët që duan të mësojnë më shumë do të paguajnë për anëtarësimet dhe kurset e avancuara më vonë. Codecademy tani është një platformë për shumë njerëz që kërkojnë të fillojnë të mësojnë kodin për herë të parë.

5- Promovoni përmbajtjen tuaj

Të kesh rrjedha të shumta të të ardhurave është një veprim i zgjuar. Nëse ka ndonjë periudhë të ngadaltë për blogun tuaj, promovimi i përmbajtjes tuaj mund t’ju ndihmojë të fitoni më shumë në të gjitha platformat tuaja.

Pavarësisht se çfarë lloj faqe keni ose cila është fusha juaj e ekspertizës, ju mund të krijoni më shumë dhe një larmi më të gjerë të përmbajtjes. Për shembull, nëse drejtoni një blog fitnesi, mund të bëni edhe video stërvitjeje në YouTube dhe të organizoni një podcast ku intervistoni atletët.

Ndërsa vetë-promovimi mund të duket pak i vështirë në fillim, cross-promoting është një mënyrë e shkëlqyeshme për të ndërtuar markën dhe autoritetin në industrinë tuaj. Për shembull, merrni parasysh BobWP.

Bob Dunn drejton një blog informues WooCommerce, si dhe një podcast. Ai merr sponsorizime për të dy, dhe përdor secilën platformë për të promovuar tjetrën. Duke nxitur trafikun nga podcast në blogun e tij dhe anasjelltas, ai shfrytëzon sa më shumë të dy burimet e të ardhurave.

Zgjidhni një nga paketat në CloudyHost dhe vazhdoni menjëherë me krijimin e faqes tuaj ku mund ta përdorni për të fituar para online.

The post 5 mënyra se si të fitoni të ardhura nga faqja juaj appeared first on CloudyHost®.

1- Email i personalizuar ju bën të dukeni më mirë

Një email falas mund të dëmtojë reputacionin e biznesit tuaj, duke ngritur dyshime nëse biznesi juaj është i ligjshëm apo jo.
Pavarësisht që adresa e email-it mund të ketë emrin e biznesit tuaj, sërisht ky email info@cloudyhost.com duket më mirë dhe më i besueshëm se cloudyhost@gmail.com.

Në një kohë kur shumë prezantime biznesi ndodhin në internet, një adresë e tillë email krijon një përshtypje të parë të qëndrueshme për audiencën tuaj. Dhe në biznes, krijimi i një përshtypje të mirë të parë është po aq thelbësor sa dhënia e produkteve dhe shërbimeve me cilësi të lartë.

2- Ndikon në rritjen e “brand-it” të biznesit tuaj

Siç e përmendëm më lart, një adresë emaili e personalizuar ka emrin e domain-it të biznesit tuaj – jo emrin e Gmail, Yahoo ose Hotmail. Prandaj, sa herë që dërgoni një email nga ajo llogari email, ju promovoni biznesin tuaj.

SA HERË QË JU DËRGONI EMAIL NGA NJË ADRESË EMAIL E PERSONALIZUAR SI PSH: INFO@CLOUDYHOST.COM, EMRI I BIZNESIT TUAJ DO MEMORIZOHET MË SHPEJT.

Me kalimin e kohës, adresa juaj e email-it do të fillojë të lidhet me biznesin, e cila është jashtëzakonisht e dobishme për brand-in e biznesit tuaj.

Me pak fjalë, përdorimi i një email të personalizuar me domain për komunikimet për biznes është një mënyrë e vlefshme, e lehtë dhe e lirë për të rritur një biznes.

3- Ju ndihmon në përmirësimin e dërgimit të email-eve

Një tjetër aspekt i rëndësishëm i të pasurit një email të personalizuar me domain është se ka më shumë mundësi që email-et tuaja të mos filtrohen si spam.

Shërbimet falas të postës elektronike shpesh janë të prirura për spammers dhe malware. Pra, ekziston një mundësi që email-et që ju dërgoni nga ndonjë adresë e-mail gjenerike mund të filtrohen si spam.

Për të siguruar që çdo email që dërgoni po merret, përdorni një llogari Email Biznesi nga CloudyHost.com

4- Rrit konfidencialitetin

Një email i personalizuar me emrin e domain, ju mundëson gjithashtu të krijoni adresa email të ndara për përdoruesit individualë, duke ju ndihmuar të kufizoni hyrjen në të dhënat konfidenciale të biznesit.

Bizneset që përdorin një ID gjenerike për email, shpesh ndajnë një adresë email midis stafit të shumtë dhe partnerëve të biznesit. Nuk ka asnjë mënyrë për të zbuluar nëse një email qëndron vetëm midis marrësve të tij.

Pra, për të përmirësuar konfidencialitetin e komunikimit në biznesit tuaj, duhet të zgjidhni email të personalizuar, ku çdo përdorues ka adresën e tij.

5- Ju ndjek kudo që shkoni

Supozojmë që adresa juaj e parë e email-it të biznesit ishte me Yahoo dhe më vonë vendosët të përdorni Gmail. Në këtë rast, do t’ju duhet të njoftoni të gjithë kontaktet tuaja në lidhje me këtë ndryshim në adresën tuaj të emailit. Por me një email të personalizuar me emrin e domain, nuk keni pse të përballeni me këtë problem.

Kështu që ju lehtësisht mund të kaloni nga një kompani hostimi në tjetrën pa qënë e nevojshme të ndryshoni adresat e email-it, pasi ju jeni posedues të domain-it, dhe ju nuk keni nevoj të lajmëroni asnjë nga kontaktet për këtë ndryshim.

Për aq kohë sa ju zotëroni emrin e domain psh domain.com, asnjë person tjetër nuk mund të dërgoj email të personalizuar me këtë domain, psh: info@domain.com

Një avantazh tjetër është, që ju mund të shtoni ose hiqni adresat email në përputhje me rritjen e biznesit tuaj. Kursen një sasi të konsiderueshme të kohës dhe parave duke ofruar një mundësi shumë të mirë komunikimi në biznesin tuaj.

6- Ju ndihmon për reklamimin e biznesit tuaj

Personat që merren me marketing e dinë që marketingu me email është një mënyrë mjaft efektive dhe e lirë për të promovuar produktet dhe shërbimet e tyre.

Por ka mundësi që shumë email-e të dërguara së bashku të shënohen si spam ose të bllokohen në adresat e marrësve – veçanërisht kur përdorni shërbimin e postës elektronike gjenerike dhe falas. Pse? Për shkak se një ID e-mail falas është ajo që spammers tenton të përdorë për të dërguar email të padëshiruar.

Një email i personalizur me emrin e domain nga një kompani e njohur zvogëlon rrezikun që email-et tuaja të shënohen si junk ose spam ose të bllokohen nga adresat e marrësve.

Është koha që ju të përdoni një email të personalizur me emrin e domain-it.

Ka kaluar koha kur bizneset përdornin adresa email falas për të komunikuar me klientët, shitësit dhe partnerët e tyre. Tani zgjedhja e një adrese të personalizuar të email-it është vendimi i duhur.

Përdorimi i një adrese të tillë email për komunikimet e biznesit ndihmon një biznes:

– Të ndërtoj Brand-in.
– Fiton Besueshmëri.
– Përmirëson kredibilitetin.

Ai gjithashtu i jep një kompanie kontroll, siguri dhe privatësi të plotë.

Me Sherbimin Email Biznesi ju mund të merrni domain dhe email falas në një nga paketat host.

Në këtë mënyrë ju mund të krijoni email-et tuaja të personalizuara duke e bërë biznesin tuaj të duket sa më profesional dhe duke e veçuar nga pjesa tjetër.

The post 6 Arsye Pse Email i Biznesit Duhet i Personalizuar! appeared first on CloudyHost®.

1. Shkruani përmbajtje të mirë

Gjëja e parë dhe më e rëndësishmja është të shkruani përmbajtje të mirë, të lehtë për t’u kuptuar nga njerëzit.

Në këtë mënyrë, kur njerëzit të vijnë në faqen tuaj, ata do të kenë më shumë të mundësi të qëndrojnë, të abonohen ose të kthehen për një vizitë tjetër.

2. Komentoni në blogje të ndryshme

Promovoni faqen tuaj duke lënë komente interesante në blogje të ndryshme. Nëse po kërkoni të krijoni trafik të blogut, do të duhet të krijoni marrëdhënie të mira me blogerët e tjerë.

3. Listoni URL-në blogje të tjera

Sigurohuni që URL-ja e blogut tuaj të jetë e shënuar në mediat tuaja sociale. Shpërndani URL-ne kudo ku njerëzit shfaqin interes.

4. Shpërndani blogun dhe postimet tuaja

Shpërndani postimet tuaja në Twitter, Facebook, Pinterest, Instagram dhe çdo faqe tjetër të mediave sociale që është e rëndësishme për industrinë tuaj. Inkurajoni miqtë dhe familjen të lexojnë blogun tuaj. Ju menjëherë mund të fitoni trafik në blogun tuaj vetëm duke u treguar miqve tuaj për këtë.

5. Bashkëpunoni me Blogerët

Ndonjëherë është e dobishme të bashkëpunoni me blogerë të tjerë. Shumica e blogerëve sot janë të gatshëm të bashkëpunojnë.

Gjeni blogerë dhe gjeni mënyra se si t’i takoni dhe të nisni të bashkëpunoni.

6. Shtoni butonat për shpërndarje

Inkurajoni lexuesit tuaj të promovojnë postimet në blog duke e bërë të lehtë për ta. Shtoni butona shpërndarjeje në faqen tuaj që ju lejon atyre ndarjen e postimeve me një klik.

7. Shpërndani përmbajtjen e të tjerëve

Shpërndarja e përmbajtjes së njerëzve të tjerë është një mënyrë shumë e mirë  për gjenerimin e trafikut në blog. Shumica e blogerëve janë ashtu si ju – ata duan më shumë trafik në blog dhe ndihen të vlerësuar  kur njerëzit e tjerë shpërndajnë përmbajtjen e tyre. Shpërndani përmbajtjen e të tjerëve dhe prisni që ata të bëjnë të njëjtën gjë.

8. SEO dhe fjalët kyçe

Nëse vërtet dëshironi të keni trafik në blogun tuaj, fjalët kyçe dhe SEO duhet të jenë pjesë e strategjisë suaj. Me SEO, ju merrni trafikun e synuar nga Google, dhe përdoruesit gjejnë informacionin dhe përgjigjet për të cilat po kërkojnë në internet.

9. Pyesni, dhe bashkëbisedoni me lexuesit:

Provoni të filloni një diskutim për një çështje të rëndësishme ose diçka aktuale, për të cilën lexuesit mund të interesohen.

Kjo i tërheq ata duke i ftuar ata të komentojnë dhe shprehin mendimet e tyre.

10. Postoni në blog rregullisht

Blogjet që kanë orare më të shpeshta dhe të rregullta të postimeve, kanë tendencë të zhvillojnë një audiencë më të shpejtë. Kështu që postoni rregullisht.

The post 10 Mënyra për më shumë trafik në blog. appeared first on CloudyHost®.